၂. ဖလဒါယကတ္ထေရအပဒါနံ

၅. ‘‘သိနေရုသမသန္တောသော၊ ဓရဏီသမ [ဓရဏီဓရ (သီ. သျာ.)] သာဒိသော၊

ဝုဋ္ဌဟိတွာ သမာဓိမှာ၊ ဘိက္ခာယ မမုပဋ္ဌိတော.

၆. ‘‘ဟရီတကံ [ဟရီတကိံ (သျာ.)] အာမလကံ၊ အမ္ဗဇမ္ဗုဝိဘီတကံ၊

ကောလံ ဘလ္လာတကံ ဗိလ္လံ၊ ဖာရုသကဖလာနိ စ.

၇. ‘‘သိဒ္ဓတ္ထဿ မဟေသိဿ၊ သဗ္ဗလောကာနုကမ္ပိနော၊

တဉ္စ သဗ္ဗံ မယာ ဒိန္နံ၊ ဝိပ္ပသန္နေန စေတသာ.

၈. ‘‘စတုန္နဝုတိတော ကပ္ပေ၊ ယံ ဖလံ အဒဒိံ တဒါ၊

ဒုဂ္ဂတိံ နာဘိဇာနာမိ၊ ဖလဒါနဿိဒံ ဖလံ.

၉. ‘‘သတ္တပညာသိတော ကပ္ပေ၊ ဧကဇ္ဈော နာမ ခတ္တိယော၊

သတ္တရတနသမ္ပန္နော၊ စက္ကဝတ္တီ မဟဗ္ဗလော.

၁၀. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ဖလဒါယကော ထေရော ဣမာ ဂါထာယော အဘာသိတ္ထာတိ.

ဖလဒါယကတ္ထေရဿာပဒါနံ ဒုတိယံ.