၃. စင်္ကောဋကိယတ္ထေရအပဒါနံ

၁၀. ‘‘မဟာသမုဒ္ဒံ နိဿာယ၊ ဝသတီ ပဗ္ဗတန္တရေ၊

ပစ္စုဂ္ဂန္တွာန ကတွာန [ပစ္စုဂ္ဂန္တွာန’ကာသဟံ (အဋ္ဌ.)၊ ပစ္စုဂ္ဂမနံ ကတွာန (?)]၊ စင်္ကောဋက [စင်္ဂေါဋက (သီ.)] မဒါသဟံ.

၁၁. ‘‘သိဒ္ဓတ္ထဿ မဟေသိနော၊ သဗ္ဗသတ္တာနုကမ္ပိနော [သယမ္ဘုဿာနုကမ္ပိနော (သျာ.)]၊

ပုပ္ဖစင်္ကောဋကံ ဒတွာ၊ ကပ္ပံ သဂ္ဂမှိ မောဒဟံ.

၁၂. ‘‘စတုန္နဝုတိတော ကပ္ပေ၊ စင်္ကောဋကမဒံ တဒါ၊

ဒုဂ္ဂတိံ နာဘိဇာနာမိ၊ စင်္ကောဋကဿိဒံ ဖလံ.

၁၃. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ စင်္ကောဋကိယော ထေရော ဣမာ ဂါထာယော အဘာသိတ္ထာတိ.

စင်္ကောဋကိယတ္ထေရဿာပဒါနံ တတိယံ.