၃. အဍ္ဎစန္ဒိယတ္ထေရအပဒါနံ

၁၀. ‘‘တိဿဿ ခေါ ဘဂဝတော၊ ဗောဓိယာ ပါဒပုတ္တမေ၊

အဍ္ဎစန္ဒံ မယာ ဒိန္နံ၊ ဓရဏီရုဟပါဒပေ.

၁၁. ‘‘ဒွေနဝုတေ ဣတော ကပ္ပေ၊ ယံ စန္ဒ [ယံ ပုပ္ဖ (က.)] မဘိရောပယိံ၊

ဒုဂ္ဂတိံ နာဘိဇာနာမိ၊ ဗောဓိပူဇာယိဒံ ဖလံ.

၁၂. ‘‘ပဉ္စဝီသေ ဣတော ကပ္ပေ၊ ဒေဝလော နာမ ခတ္တိယော၊

သတ္တရတနသမ္ပန္နော၊ စက္ကဝတ္တီ မဟဗ္ဗလော.

၁၃. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ အဍ္ဎစန္ဒိယော ထေရော ဣမာ ဂါထာယော အဘာသိတ္ထာတိ.

အဍ္ဎစန္ဒိယတ္ထေရဿာပဒါနံ တတိယံ.