၄. ပဒီပဒါယကတ္ထေရအပဒါနံ

၁၄. ‘‘ဒေဝဘူတော အဟံ သန္တော၊ ဩရုယှ ပထဝိံ တဒါ၊

ပဒီပေ ပဉ္စ ပါဒါသိံ၊ ပသန္နော သေဟိ ပါဏိဘိ.

၁၅. ‘‘စတုန္နဝုတိတော ကပ္ပေ၊ ယံ ပဒီပမဒံ တဒါ၊

ဒုဂ္ဂတိံ နာဘိဇာနာမိ၊ ဒီပဒါနဿိဒံ ဖလံ.

၁၆. ‘‘ပဉ္စပညာသကေ ကပ္ပေ၊ ဧကော အာသိံ မဟီပတိ၊

သမန္တစက္ခုနာမေန၊ စက္ကဝတ္တီ မဟဗ္ဗလော.

၁၇. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ပဒီပဒါယကော [အပဏ္ဏဒီပိယော (သီ. က.)] ထေရော ဣမာ ဂါထာယော အဘာသိတ္ထာတိ.

ပဒီပဒါယကတ္ထေရဿာပဒါနံ စတုတ္ထံ.