၃. စိတကပူဇကတ္ထေရအပဒါနံ

၉. ‘‘အာနန္ဒော နာမ သမ္ဗုဒ္ဓေါ၊ သယမ္ဘူ အပရာဇိတော၊

အရညေ ပရိနိဗ္ဗာယိ၊ အမနုဿမှိ ကာနနေ.

၁၀. ‘‘ဒေဝလောကာ ဣဓာဂန္တွာ၊ စိတံ ကတွာနဟံ တဒါ၊

သရီရံ တတ္ထ ဈာပေသိံ၊ သက္ကာရဉ္စ အကာသဟံ.

၁၁. ‘‘ဧကနဝုတိတော ကပ္ပေ၊ ယံ ကမ္မမကရိံ တဒါ၊

ဒုဂ္ဂတိံ နာဘိဇာနာမိ၊ ဗုဒ္ဓပူဇာယိဒံ ဖလံ.

၁၂. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ စိတကပူဇကော ထေရော ဣမာ ဂါထာယော အဘာသိတ္ထာတိ.

စိတကပူဇကတ္ထေရဿာပဒါနံ တတိယံ.