၂. ဧကာသနဒါယကတ္ထေရအပဒါနံ

၅. ‘‘ဝိဇဟိတွာ ဒေဝဝဏ္ဏံ၊ သဘရိယော ဣဓာဂမိံ၊

အဓိကာရံ ကတ္တုကာမော၊ ဗုဒ္ဓသေဋ္ဌဿ သာသနေ.

၆. ‘‘ဒေဝလော နာမ နာမေန၊ ပဒုမုတ္တရသာဝကော၊

တဿ ဘိက္ခာ မယာ ဒိန္နာ၊ ဝိပ္ပသန္နေန စေတသာ.

၇. ‘‘သတသဟဿိတော ကပ္ပေ၊ ယံ ကမ္မမကရိံ တဒါ၊

ဒုဂ္ဂတိံ နာဘိဇာနာမိ၊ ပိဏ္ဍပါတဿိဒံ ဖလံ.

၈. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ဧကာသနဒါယကော ထေရော ဣမာ ဂါထာယော အဘာသိတ္ထာတိ.

ဧကာသနဒါယကတ္ထေရဿာပဒါနံ ဒုတိယံ.