၉. ဗိမ္ဗိဇာလိယတ္ထေရအပဒါနံ

၃၀. ‘‘ပဒုမုတ္တရော နာမ ဇိနော၊ သယမ္ဘူ အဂ္ဂပုဂ္ဂလော၊

စတုသစ္စံ ပကာသေတိ၊ ဒီပေတိ အမတံ ပဒံ.

၃၁. ‘‘ဗိမ္ဗိဇာလကပုပ္ဖါနိ [ဗိမ္ဗဇာလကပုပ္ဖါနိ (က.)]၊ ပုထု ကတွာနဟံ တဒါ၊

ဗုဒ္ဓဿ အဘိရောပေသိံ၊ ဒွိပဒိန္ဒဿ တာဒိနော.

၃၂. ‘‘အဋ္ဌသဋ္ဌိမှိတော ကပ္ပေ၊ စတုရော ကိဉ္ဇကေသရာ၊

သတ္တရတနသမ္ပန္နာ၊ စက္ကဝတ္တီ မဟဗ္ဗလာ.

၃၃. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ဗိမ္ဗိဇာလိယော ထေရော ဣမာ ဂါထာယော အဘာသိတ္ထာတိ.

ဗိမ္ဗိဇာလိယတ္ထေရဿာပဒါနံ နဝမံ.