၁၀. ဥဒ္ဒါလကဒါယကတ္ထေရအပဒါနံ

၃၄. ‘‘ကကုဓော နာမ နာမေန၊ သယမ္ဘူ အပရာဇိတော၊

ပဝနာ နိက္ခမိတွာန၊ အနုပ္ပတ္တော မဟာနဒိံ.

၃၅. ‘‘ဥဒ္ဒါလကံ ဂဟေတွာန၊ သယမ္ဘုဿ အဒါသဟံ၊

သံယတဿုဇုဘူတဿ၊ ပသန္နမာနသော အဟံ.

၃၆. ‘‘ဧကတ္တိံသေ ဣတော ကပ္ပေ၊ ယံ ပုပ္ဖမဘိပူဇယိံ၊

ဒုဂ္ဂတိံ နာဘိဇာနာမိ၊ ပုပ္ဖဒါနဿိဒံ ဖလံ.

၃၇. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ဥဒ္ဒါလကဒါယကော ထေရော ဣမာ ဂါထာယော အဘာသိတ္ထာတိ.

ဥဒ္ဒါလကဒါယကတ္ထေရဿာပဒါနံ ဒသမံ.

တုဝရဒါယကဝဂ္ဂေါ ပဉ္စဝီသတိမော.