၈. သတ္တလိပုပ္ဖပူဇကတ္ထေရအပဒါနံ

၂၇. ‘‘သတ္တ သတ္တလိပုပ္ဖါနိ၊ သီသေ ကတွာနဟံ တဒါ၊

ဗုဒ္ဓဿ အဘိရောပေသိံ၊ ဝေဿဘုမှိ နရုတ္တမေ [ဝိဘတ္တိဝိပလ္လာသော စိန္တေတဗ္ဗော].

၂၈. ‘‘ဧကတ္တိံသေ ဣတော ကပ္ပေ၊ ယံ ပုပ္ဖမဘိပူဇယိံ၊

ဒုဂ္ဂတိံ နာဘိဇာနာမိ၊ ဗုဒ္ဓပူဇာယိဒံ ဖလံ.

၂၉. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ သတ္တလိပုပ္ဖပူဇကော ထေရော ဣမာ ဂါထာယော အဘာသိတ္ထာတိ.

သတ္တလိပုပ္ဖပူဇကတ္ထေရဿာပဒါနံ အဋ္ဌမံ.