၇. ဓာတုပူဇကတ္ထေရအပဒါနံ

၂၃. ‘‘နိဗ္ဗုတေ လောကနာထမှိ၊ သိဒ္ဓတ္ထမှိ နရုတ္တမေ၊

ဧကာ ဓာတု မယာ လဒ္ဓါ၊ ဒွိပဒိန္ဒဿ တာဒိနော.

၂၄. ‘‘တာဟံ ဓာတုံ ဂဟေတွာန၊ ဗုဒ္ဓဿာဒိစ္စဗန္ဓုနော၊

ပဉ္စဝဿေ ပရိစရိံ၊ တိဋ္ဌန္တံဝ နရုတ္တမံ.

၂၅. ‘‘စတုန္နဝုတိတော ကပ္ပေ၊ ယံ ဓာတုံ ပူဇယိံ တဒါ၊

ဒုဂ္ဂတိံ နာဘိဇာနာမိ၊ ဓာတုပဋ္ဌဟနေ ဖလံ.

၂၆. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ဓာတုပူဇကော ထေရော ဣမာ ဂါထာယော အဘာသိတ္ထာတိ.

ဓာတုပူဇကတ္ထေရဿာပဒါနံ သတ္တမံ.