၂. နာဂကေသရိယတ္ထေရအပဒါနံ

၄. ‘‘ဓနုံ အဒွေဇ္ဈံ ကတွာန၊ ဝနမဇ္ဈောဂဟိံ အဟံ၊

ကေသရံ ဩဂတံ [ဩသရံ (သျာ.)၊ ဩသဋံ (သီ.)] ဒိသွာ၊ ပတပတ္တံ သမုဋ္ဌိတံ.

၅. ‘‘ဥဘော ဟတ္ထေဟိ ပဂ္ဂယှ၊ သိရေ ကတွာန အဉ္ဇလိံ၊

ဗုဒ္ဓဿ အဘိရောပေသိံ၊ တိဿဿ လောကဗန္ဓုနော.

၆. ‘‘ဒွေနဝုတေ ဣတော ကပ္ပေ၊ ယံ ပုပ္ဖမဘိပူဇယိံ၊

ဒုဂ္ဂတိံ နာဘိဇာနာမိ၊ ဗုဒ္ဓပူဇာယိဒံ ဖလံ.

၇. ‘‘တေသတ္တတိမှိ ကပ္ပမှိ [သတ္တသတ္တတိမေ ကပ္ပေ (သျာ.)]၊ သတ္တ ကေသရနာမကာ၊

သတ္တရတနသမ္ပန္နာ၊ စက္ကဝတ္တီ မဟဗ္ဗလာ.

၈. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ နာဂကေသရိယော ထေရော ဣမာ ဂါထာယော အဘာသိတ္ထာတိ.

နာဂကေသရိယတ္ထေရဿာပဒါနံ ဒုတိယံ.