၃. နဠိနကေသရိယတ္ထေရအပဒါနံ

၉. ‘‘ဇာတဿရဿ ဝေမဇ္ဈေ၊ ဝသာမိ ဇလကုက္ကုဋော၊

အဒ္ဒသာဟံ [အထဒ္ဒသံ (သီ. သျာ.)] ဒေဝဒေဝံ၊ ဂစ္ဆန္တံ အနိလဉ္ဇသေ.

၁၀. ‘‘တုဏ္ဍေန ကေသရိံ [ကေသရံ (သျာ.)] ဂယှ၊ ဝိပ္ပသန္နေန စေတသာ၊

ဗုဒ္ဓဿ အဘိရောပေသိံ၊ တိဿဿ လောကဗန္ဓုနော.

၁၁. ‘‘ဒွေနဝုတေ ဣတော ကပ္ပေ၊ ယံ ပုပ္ဖမဘိပူဇယိံ၊

ဒုဂ္ဂတိံ နာဘိဇာနာမိ၊ ဗုဒ္ဓပူဇာယိဒံ ဖလံ.

၁၂. ‘‘တေသတ္တတိမှိ ကပ္ပမှိ၊ သတ္တ ကေသရနာမကာ [သတပတ္တသနာမကော (သီ. သျာ.)]၊

သတ္တရတနသမ္ပန္နာ၊ စက္ကဝတ္တီ မဟဗ္ဗလာ.

၁၃. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ နဠိနကေသရိယော ထေရော ဣမာ ဂါထာယော အဘာသိတ္ထာတိ.

နဠိနကေသရိယတ္ထေရဿာပဒါနံ တတိယံ.