၂. ဘာဇနပါလကတ္ထေရအပဒါနံ

၅. ‘‘နဂရေ ဗန္ဓုမတိယာ၊ ကုမ္ဘကာရော အဟံ တဒါ၊

ဘာဇနံ အနုပါလေသိံ၊ ဘိက္ခုသံဃဿ တာဝဒေ.

၆. ‘‘ဧကနဝုတိတော ကပ္ပေ၊ ဘာဇနံ အနုပါလယိံ၊

ဒုဂ္ဂတိံ နာဘိဇာနာမိ၊ ဘာဇနဿ ဣဒံ ဖလံ.

၇. ‘‘တေပညာသေ ဣတော ကပ္ပေ၊ အနန္တဇာလိနာမကော၊

သတ္တရတနသမ္ပန္နော၊ စက္ကဝတ္တီ မဟဗ္ဗလော.

၈. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ဘာဇနပါလကော [ဘာဇနဒါယကော (သီ. သျာ.)] ထေရော ဣမာ ဂါထာယော အဘာသိတ္ထာတိ.

ဘာဇနပါလကတ္ထေရဿာပဒါနံ ဒုတိယံ.