၂. နိဿေဏိဒါယကတ္ထေရအပဒါနံ

၉. ‘‘ကောဏ္ဍညဿ ဘဂဝတော၊ လောကဇေဋ္ဌဿ တာဒိနော၊

အာရောဟတ္ထာယ ပါသာဒံ၊ နိဿေဏီ ကာရိတာ မယာ.

၁၀. ‘‘တေန စိတ္တပ္ပသာဒေန၊ အနုဘောတွာန သမ္ပဒါ၊

ဓာရေမိ အန္တိမံ ဒေဟံ၊ သမ္မာသမ္ဗုဒ္ဓသာသနေ.

၁၁. ‘‘ဧကတ္တိံသမှိ ကပ္ပါနံ၊ သဟဿမှိ တယော အဟုံ [မဟာ (သီ. သျာ.)]၊

သမ္ဗဟုလာ နာမ ရာဇာနော၊ စက္ကဝတ္တီ မဟဗ္ဗလာ.

၁၂. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ နိဿေဏိဒါယကော ထေရော ဣမာ ဂါထာယော အဘာသိတ္ထာတိ.

နိဿေဏိဒါယကတ္ထေရဿာပဒါနံ ဒုတိယံ.