၇. တိဏသူလကတ္ထေရအပဒါနံ
၃၅. ‘‘ဟိမဝန္တဿာဝိဒူရေ၊ ဘူတဂဏော နာမ ပဗ္ဗတော၊
ဝသတေကော ဇိနော တတ္ထ၊ သယမ္ဘူ လောကနိဿဋော.
၃၆. ‘‘တိဏသူလံ ဂဟေတွာန၊ ဗုဒ္ဓဿ အဘိရောပယိံ၊
ဧကူနသတသဟဿံ၊ ကပ္ပံ န ဝိနိပါတိကော.
၃၇. ‘‘ဣတော ဧကာဒသေ ကပ္ပေ၊ ဧကောသိံ ဓရဏီရုဟော၊
သတ္တရတနသမ္ပန္နော၊ စက္ကဝတ္တီ မဟဗ္ဗလော.
၃၈. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.
ဣတ္ထံ သုဒံ အာယသ္မာ တိဏသူလကော ထေရော ဣမာ ဂါထာယော အဘာသိတ္ထာတိ.
တိဏသူလကတ္ထေရဿာပဒါနံ သတ္တမံ.