၅. အက္ကောဓသုတ္တဝဏ္ဏနာ

၂၇၁. ပဉ္စမေ မာ ဝေါ ကောဓော အဇ္ဈဘဝီတိ ကောဓော တုမှေ မာ အဘိဘဝိ၊ တုမှေဝ ကောဓံ အဘိဘဝထ. မာ စ ကုဇ္ဈိတ္ထ ကုဇ္ဈိတန္တိ ကုဇ္ဈန္တာနံ မာ ပဋိကုဇ္ဈိတ္ထ. အက္ကောဓောတိ မေတ္တာ စ မေတ္တာပုဗ္ဗဘာဂေါ စ. အဝိဟိံသာတိ ကရုဏာ စ ကရုဏာပုဗ္ဗဘာဂေါ စ. အထ ပါပဇနံ ကောဓော၊ ပဗ္ဗတောဝါဘိမဒ္ဒတီတိ လာမကဇနံ ပဗ္ဗတော ဝိယ ကောဓော အဘိမဒ္ဒတီတိ. ပဉ္စမံ.

တတိယော ဝဂ္ဂေါ.

သက္ကသံယုတ္တဝဏ္ဏနာ နိဋ္ဌိတာ.

ဣတိ သာရတ္ထပ္ပကာသိနိယာ သံယုတ္တနိကာယ-အဋ္ဌကထာယ

သဂါထာဝဂ္ဂဝဏ္ဏနာ နိဋ္ဌိတာ.

သံယုတ္တနိကာယ-အဋ္ဌကထာယ ပဌမော ဘာဂေါ.