၆. ပဇ္ဇောတသုတ္တဝဏ္ဏနာ

၂၆. ဆဋ္ဌေ ပုဋ္ဌုန္တိ ပုစ္ဆိတုံ. ကထံ ဇာနေမူတိ ကထံ ဇာနေယျာမ. ဒိဝါရတ္တိန္တိ ဒိဝါ စ ရတ္တိဉ္စ. တတ္ထ တတ္ထာတိ ယတ္ထ ယတ္ထေဝ ပဇ္ဇလိတော ဟောတိ၊ တတ္ထ တတ္ထ. ဧသာ အာဘာတိ ဧသာ ဗုဒ္ဓါဘာ. ကတမာ ပန သာတိ? ဉာဏာလောကော ဝါ ဟောတု ပီတိအာလောကော ဝါ ပသာဒါလောကော ဝါ ဓမ္မကထာအာလောကော ဝါ၊ သဗ္ဗောပိ ဗုဒ္ဓါနံ ပါတုဘာဝါ ဥပ္ပန္နော အာလောကော ဗုဒ္ဓါဘာ နာမ. အယံ အနုတ္တရာ သဗ္ဗသေဋ္ဌာ အသဒိသာတိ. ဆဋ္ဌံ.