သဠာယတနဝါရဝဏ္ဏနာ

၉၉. သဠာယတနဝါရေ စက္ခာယတနန္တိအာဒီသု ယံ ဝတ္တဗ္ဗံ၊ တံ သဗ္ဗံ ဝိသုဒ္ဓိမဂ္ဂေ ခန္ဓနိဒ္ဒေသေ စေဝ အာယတနနိဒ္ဒေသေ စ ဝုတ္တနယမေဝ. နာမရူပသမုဒယာတိ ဧတ္ထ ပန ယံ နာမံ ယဉ္စ ရူပံ၊ ယဉ္စ နာမရူပံ ယဿ အာယတနဿ ပစ္စယော ဟောတိ၊ တဿ ဝသေန ဝိသုဒ္ဓိမဂ္ဂေ ပဋိစ္စသမုပ္ပါဒနိဒ္ဒေသေ ဝုတ္တနယေန နာမရူပသမုဒယာ သဠာယတနသမုဒယော ဝေဒိတဗ္ဗော. သေသံ ဝုတ္တပ္ပကာရမေဝါတိ.

သဠာယတနဝါရဝဏ္ဏနာ နိဋ္ဌိတာ.