၂. သုတ္တသာဓနဝဏ္ဏနာ

၂၉၈. သုတ္တသာဓနေ ပန န ဝတ္တဗ္ဗန္တိ ပုစ္ဆာ သကဝါဒိဿ. တတ္ထ နတ္ထိ စေတေတိ နတ္ထိ စ ဧတေ ဓမ္မာတိ အတ္ထော. ခန္ဓာဒိဘာဝေ သတိ နတ္ထိတံ အနိစ္ဆန္တဿ အာမန္တာတိ ပဋိညာ ပရဝါဒိဿ၊ အထ နေသံ နတ္ထိဘာဝသာဓနတ္ထံ သုတ္တာဟရဏံ သကဝါဒိဿ. ဒုတိယပုစ္ဆာပိ ပရဝါဒိဿ၊ ပဋိညာ သကဝါဒိဿ၊ သုတ္တာဟရဏံ ပရဝါဒိဿ. တံ ပန နေသံ ခန္ဓာဒိဘာဝမေဝ သာဓေတိ၊ န အတ္ထိဘာဝန္တိ အာဟဋမ္ပိ အနာဟဋသဒိသမေဝါတိ.

အတီတံ ခန္ဓာတိအာဒိကထာဝဏ္ဏနာ.