၃. ပရိညာဝါရဝဏ္ဏနာ

၁၆၅-၁၇၀. ပရိညာဝါရေ ပန ဉာတပရိညာ၊ တီရဏပရိညာ၊ ပဟာနပရိညာတိ တိဿောပေတ္ထ ပရိညာယော လဗ္ဘန္တိ. ယသ္မာ စ လောကုတ္တရဓမ္မေသု ပရိညာ နာမ နတ္ထိ၊ တသ္မာ ဣဓ ဒွေ သစ္စာနိ ဂဟိတာနိ. တတ္ထ ဒုက္ခသစ္စံ ပရိဇာနာတီတိ ဉာတတီရဏပရိညာဝသေနေဝ ဝုတ္တံ. သမုဒယသစ္စံ ပဇဟတီတိ ဉာတပဟာနပရိညာဝသေန. ဣတိ ဣမာသံ ပရိညာနံ ဝသေန သဗ္ဗပဒေသု အတ္ထော ဝေဒိတဗ္ဗောတိ.

ပရိညာဝါရဝဏ္ဏနာ.

သစ္စယမကဝဏ္ဏနာ နိဋ္ဌိတာ.