၃. သာမညဖလကထာဝဏ္ဏနာ

၈၃၅-၈၃၆. ဣဒါနိ သာမညဖလကထာ နာမ ဟောတိ. တတ္ထ မဂ္ဂဝီထိယမ္ပိ ဖလသမာပတ္တိဝီထိယမ္ပိ အရိယမဂ္ဂဿ ဝိပါကစိတ္တံ သာမညဖလံ နာမာတိ သကသမယေ သန္နိဋ္ဌာနံ. ယေသံ ပန တထာ အဂ္ဂဟေတွာ ‘‘ကိလေသပဟာနဉ္စေဝ ဖလုပ္ပတ္တိ စ သာမညဖလံ၊ တသ္မာ အသင်္ခတ’’န္တိ လဒ္ဓိ၊ သေယျထာပိ ပုဗ္ဗသေလိယာနံ၊ တေ သန္ဓာယ ပုစ္ဆာ သကဝါဒိဿ၊ ပဋိညာ ဣတရဿ. သေသမေတ္ထ ဟေဋ္ဌာ ဝုတ္တနယတ္တာ ယထာ ပါဠိမေဝ နိယျာတီတိ.

သာမညဖလကထာဝဏ္ဏနာ.