၆. ပရိယုဋ္ဌာနံ စိတ္တဝိပ္ပယုတ္တန္တိကထာဝဏ္ဏနာ

၇၀၂. ဣဒါနိ ပရိယုဋ္ဌာနံ စိတ္တဝိပ္ပယုတ္တန္တိကထာ နာမ ဟောတိ. တတ္ထ ယသ္မာ အနိစ္စာဒိတော မနသိကရောတောပိ ရာဂါဒယော ဥပ္ပဇ္ဇန္တိ. ဝုတ္တမ္ပိ စေတံ – ‘‘အပ္ပေကဒါ၊ ဘော ဘာရဒွါဇ၊ အသုဘတော မနသိကရိဿာမီတိ သုဘတောဝ မနသိကရောတီ’’တိ (သံ. နိ. ၄.၁၂၇). တသ္မာ ပရိယုဋ္ဌာနံ စိတ္တဝိပ္ပယုတ္တန္တိ ယေသံ လဒ္ဓိ၊ သေယျထာပိ အန္ဓကာနံယေဝ၊ တေ သန္ဓာယ ပုစ္ဆာ သကဝါဒိဿ၊ ပဋိညာ ဣတရဿ. သေသမေတ္ထ ဥတ္တာနတ္ထမေဝါတိ.

ပရိယုဋ္ဌာနံ စိတ္တဝိပ္ပယုတ္တန္တိကထာဝဏ္ဏနာ.