၁၀. သဗ္ဗသံယောဇနပ္ပဟာနကထာဝဏ္ဏနာ

၄၁၃. ဣဒါနိ သံယောဇနပ္ပဟာနကထာ နာမ ဟောတိ. တတ္ထ ယေသံ ‘‘နိပ္ပရိယာယေနေဝ သဗ္ဗသံယောဇနပ္ပဟာနံ အရဟတ္တ’’န္တိ လဒ္ဓိ၊ သေယျထာပိ ဧတရဟိ အန္ဓကာနံ၊ တေ သန္ဓာယ ပုစ္ဆာ သကဝါဒိဿ၊ ပဋိညာ ဣတရဿ. ပုန သဗ္ဗေ သံယောဇနာတိ ပုဋ္ဌော ဟေဋ္ဌာ ဝုတ္တမဂ္ဂတ္တယေန ပဟီနေ သန္ဓာယ ပဋိက္ခိပတိ. ဒုတိယံ ပုဋ္ဌော တေန မဂ္ဂေန အပ္ပဟီနဿ အဘာဝါ ပဋိဇာနာတိ. သက္ကာယဒိဋ္ဌိအာဒီသုပိ ပဌမမဂ္ဂေန ပဟီနဘာဝံ သန္ဓာယ ပဋိက္ခိပတိ၊ စတုတ္ထမဂ္ဂေန အနဝသေသပ္ပဟာနံ သန္ဓာယ ပဋိဇာနာတိ. ဧသေဝ နယော သဗ္ဗတ္ထာတိ.

သဗ္ဗသံယောဇနပ္ပဟာနကထာဝဏ္ဏနာ.

စတုတ္ထော ဝဂ္ဂေါ.