၈-၁၁. အဘဗ္ဗဋ္ဌာနသုတ္တစတုက္ကဝဏ္ဏနာ

၉၂-၉၅. အဋ္ဌမေ အနာဂမနီယံ ဝတ္ထုန္တိ အနုပဂန္တဗ္ဗံ ကာရဏံ၊ ပဉ္စန္နံ ဝေရာနံ ဒွါသဋ္ဌိယာ စ ဒိဋ္ဌိဂတာနမေတံ အဓိဝစနံ. အဋ္ဌမံ ဘဝန္တိ ကာမာဝစရေ အဋ္ဌမံ ပဋိသန္ဓိံ. နဝမေ ကောတူဟလမင်္ဂလေနာတိ ဒိဋ္ဌသုတမုတမင်္ဂလေန. ဒသမေ သယံကတန္တိအာဒီနိ အတ္တဒိဋ္ဌိဝသေန ဝုတ္တာနိ. အဓိစ္စသမုပ္ပန္နန္တိ အဟေတုနိဗ္ဗတ္တံ. သေသံ သဗ္ဗတ္ထ ဥတ္တာနမေဝါတိ.

သီတိဝဂ္ဂေါ နဝမော.