၃. သရဒသုတ္တဝဏ္ဏနာ

၉၅. တတိယေ ဝိဒ္ဓေတိ ဝလာဟကဝိဂမေန ဒူရီဘူတေ. ဒေဝေတိ အာကာသေ. အဘိဝိဟစ္စာတိ အဘိဝိဟနိတွာ. ယတောတိ ယသ္မိံ ကာလေ. ဝိရဇန္တိ ရာဂရဇာဒိရဟိတံ. တေသံယေဝ မလာနံ ဝိဂတတ္တာ ဝီတမလံ. ဓမ္မစက္ခုန္တိ စတုသစ္စဓမ္မပရိဂ္ဂါဟကံ သောတာပတ္တိမဂ္ဂစက္ခုံ. နတ္ထိ တံ သံယောဇနန္တိ ဒုဝိဓမေဝဿ သံယောဇနံ နတ္ထိ၊ ဣတရမ္ပိ ပန ပုန ဣမံ လောကံ အာနေတုံ အသမတ္ထတာယ နတ္ထီတိ ဝုတ္တံ. ဣမသ္မိံ သုတ္တေ ဈာနာနာဂါမီ နာမ ကထိတောတိ.