၂. ဂဒြဘသုတ္တဝဏ္ဏနာ

၈၃. ဒုတိယေ ပိဋ္ဌိတော ပိဋ္ဌိတောတိ ပစ္ဆတော ပစ္ဆတော. အဟမ္ပိ ဒမ္မော အဟမ္ပိ ဒမ္မောတိ အဟမ္ပိ ‘‘ဒမ္မော ဒမ္မမာနော’’တိ ဝဒမာနော ဂါဝီတိ. သေယျထာပိ ဂုန္နန္တိ ယထာ ဂါဝီနံ. ဂါဝေါ ဟိ ကာဠာပိ ရတ္တာပိ သေတာဒိဝဏ္ဏာပိ ဟောန္တိ၊ ဂဒြဘဿ ပန တာဒိသော ဝဏ္ဏော နာမ နတ္ထိ. ယထာ စ ဝဏ္ဏော၊ ဧဝံ သရောပိ ပဒမ္ပိ အညာဒိသမေဝ. သေသံ ဥတ္တာနတ္ထမေဝ. ဣမသ္မိမ္ပိ သုတ္တေ တိဿော သိက္ခာ မိဿိကာဝ ကထိတာတိ.