၅. ပစ္စုပ္ပန္နာနာဂတဝါရော
(က) အနုလောမံ
၄၆၇. (က) ယော စက္ခုန္ဒြိယံ ပရိဇာနာတိ သော ဒေါမနဿိန္ဒြိယံ ပဇဟိဿတီတိ? နော.
(ခ) ယော ဝါ ပန ဒေါမနဿိန္ဒြိယံ ပဇဟိဿတိ သော စက္ခုန္ဒြိယံ ပရိဇာနာတီတိ? နော.
(က) ယော စက္ခုန္ဒြိယံ ပရိဇာနာတိ သော အနညာတညဿာမီတိန္ဒြိယံ ဘာဝေဿတီတိ? နော.
(ခ) ယော ဝါ ပန အနညာတညဿာမီတိန္ဒြိယံ ဘာဝေဿတိ သော စက္ခုန္ဒြိယံ ပရိဇာနာတီတိ? နော.
(က) ယော စက္ခုန္ဒြိယံ ပရိဇာနာတိ သော အညိန္ဒြိယံ ဘာဝေဿတီတိ? နော.
(ခ) ယော ဝါ ပန အညိန္ဒြိယံ ဘာဝေဿတိ သော စက္ခုန္ဒြိယံ ပရိဇာနာတီတိ? နော.
(က) ယော စက္ခုန္ဒြိယံ ပရိဇာနာတိ သော အညာတာဝိန္ဒြိယံ သစ္ဆိကရိဿတီတိ? အာမန္တာ.
(ခ) ယော ဝါ ပန အညာတာဝိန္ဒြိယံ သစ္ဆိကရိဿတိ သော စက္ခုန္ဒြိယံ ပရိဇာနာတီတိ?
သတ္တ ပုဂ္ဂလာ အညာတာဝိန္ဒြိယံ သစ္ဆိကရိဿန္တိ၊ နော စ စက္ခုန္ဒြိယံ ပရိဇာနန္တိ. အဂ္ဂမဂ္ဂသမင်္ဂီ အညာတာဝိန္ဒြိယဉ္စ သစ္ဆိကရိဿတိ စက္ခုန္ဒြိယဉ္စ ပရိဇာနာတိ. (စက္ခုန္ဒြိယမူလကံ)
၄၆၈. (က) ယော ဒေါမနဿိန္ဒြိယံ ပဇဟတိ သော အနညာတညဿာမီတိန္ဒြိယံ ဘာဝေဿတီတိ? နော.
(ခ) ယော ဝါ ပန အနညာတညဿာမီတိန္ဒြိယံ ဘာဝေဿတိ သော ဒေါမနဿိန္ဒြိယံ ပဇဟတီတိ? နော.
(က) ယော ဒေါမနဿိန္ဒြိယံ ပဇဟတိ သော အညိန္ဒြိယံ ဘာဝေဿတီတိ? အာမန္တာ.
(ခ) ယော ဝါ ပန အညိန္ဒြိယံ ဘာဝေဿတိ သော ဒေါမနဿိန္ဒြိယံ ပဇဟတီတိ?
ဆ ပုဂ္ဂလာ အညိန္ဒြိယံ ဘာဝေဿန္တိ၊ နော စ ဒေါမနဿိန္ဒြိယံ ပဇဟန္တိ အနာဂါမိမဂ္ဂသမင်္ဂိ အညိန္ဒြိယဉ္စ ဘာဝေဿန္တိ၊ ဒေါမနဿိန္ဒြိယဉ္စ ပဇဟန္တိ.
(က) ယော ဒေါမနဿိန္ဒြိယံ ပဇဟတိ သော အညာတာဝိန္ဒြိယံ သစ္ဆိကရိဿတီတိ? အာမန္တာ.
(ခ) ယော ဝါ ပန အညာတာဝိန္ဒြိယံ သစ္ဆိကရိဿတိ သော ဒေါမနဿိန္ဒြိယံ ပဇဟတီတိ?
သတ္တ ပုဂ္ဂလာ အညာတာဝိန္ဒြိယံ သစ္ဆိကရိဿန္တိ၊ နော စ ဒေါမနဿိန္ဒြိယံ ပဇဟန္တိ. အနာဂါမိမဂ္ဂသမင်္ဂီ အညာတာဝိန္ဒြိယဉ္စ သစ္ဆိကရိဿတိ ဒေါမနဿိန္ဒြိယဉ္စ ပဇဟတိ. (ဒေါမနဿိန္ဒြိယမူလကံ)
၄၆၉. (က) ယော အနညာတညဿာမီတိန္ဒြိယံ ဘာဝေတိ သော အညိန္ဒြိယံ ဘာဝေဿတီတိ? အာမန္တာ.
(ခ) ယော ဝါ ပန အညိန္ဒြိယံ ဘာဝေဿတိ သော အနညာတညဿာမီတိန္ဒြိယံ ဘာဝေတီတိ?
ဆ ပုဂ္ဂလာ အညိန္ဒြိယံ ဘာဝေဿန္တိ၊ နော စ အနညာတညဿာမီတိန္ဒြိယံ ဘာဝေန္တိ. အဋ္ဌမကော အညိန္ဒြိယဉ္စ ဘာဝေဿတိ အနညာတညဿာမီတိန္ဒြိယဉ္စ ဘာဝေတိ.
(က) ယော အနညာတညဿာမီတိန္ဒြိယံ ဘာဝေတိ သော အညာတာဝိန္ဒြိယံ သစ္ဆိကရိဿတီတိ? အာမန္တာ.
(ခ) ယော ဝါ ပန အညာတာဝိန္ဒြိယံ သစ္ဆိကရိဿတိ သော အနညာတညဿာမီတိန္ဒြိယံ ဘာဝေတီတိ?
သတ္တ ပုဂ္ဂလာ အညာတာဝိန္ဒြိယံ သစ္ဆိကရိဿန္တိ၊ နော စ အနညာတညဿာမီတိန္ဒြိယံ ဘာဝေန္တိ. အဋ္ဌမကော အညာတာဝိန္ဒြိယဉ္စ သစ္ဆိကရိဿတိ အနညာတညဿာမီတိန္ဒြိယဉ္စ ဘာဝေတိ. (အနညာတညဿာမီတိန္ဒြိယမူလကံ)
၄၇၀. (က) ယော အညိန္ဒြိယံ ဘာဝေတိ သော အညာတာဝိန္ဒြိယံ သစ္ဆိကရိဿတီတိ? အာမန္တာ.
(ခ) ယော ဝါ ပန အညာတာဝိန္ဒြိယံ သစ္ဆိကရိဿတိ သော အညိန္ဒြိယံ ဘာဝေတီတိ?
ပဉ္စ ပုဂ္ဂလာ အညာတာဝိန္ဒြိယံ သစ္ဆိကရိဿန္တိ၊ နော စ အညိန္ဒြိယံ ဘာဝေန္တိ. တယော မဂ္ဂသမင်္ဂိနော အညာတာဝိန္ဒြိယဉ္စ သစ္ဆိကရိဿန္တိ အညိန္ဒြိယဉ္စ ဘာဝေန္တိ. (အညိန္ဒြိယမူလကံ)
(ခ) ပစ္စနီကံ
၄၇၁. (က) ယော စက္ခုန္ဒြိယံ န ပရိဇာနာတိ သော ဒေါမနဿိန္ဒြိယံ နပ္ပဇဟိဿတီတိ?
ပဉ္စ ပုဂ္ဂလာ စက္ခုန္ဒြိယံ န ပရိဇာနန္တိ၊ နော စ ဒေါမနဿိန္ဒြိယံ နပ္ပဇဟိဿန္တိ. စတ္တာရော ပုဂ္ဂလာ စက္ခုန္ဒြိယဉ္စ န ပရိဇာနန္တိ ဒေါမနဿိန္ဒြိယဉ္စ နပ္ပဇဟိဿန္တိ.
(ခ) ယော ဝါ ပန ဒေါမနဿိန္ဒြိယံ နပ္ပဇဟိဿတိ သော စက္ခုန္ဒြိယံ န ပရိဇာနာတီတိ?
အဂ္ဂမဂ္ဂသမင်္ဂီ ဒေါမနဿိန္ဒြိယံ နပ္ပဇဟိဿတိ၊ နော စ စက္ခုန္ဒြိယံ န ပရိဇာနာတိ. စတ္တာရော ပုဂ္ဂလာ ဒေါမနဿိန္ဒြိယဉ္စ နပ္ပဇဟိဿန္တိ စက္ခုန္ဒြိယဉ္စ န ပရိဇာနန္တိ.
(က) ယော စက္ခုန္ဒြိယံ န ပရိဇာနာတိ သော အနညာတညဿာမီတိန္ဒြိယံ န ဘာဝေဿတီတိ?
ယေ ပုထုဇ္ဇနာ မဂ္ဂံ ပဋိလဘိဿန္တိ တေ စက္ခုန္ဒြိယံ န ပရိဇာနန္တိ၊ နော စ အနညာတညဿာမီတိန္ဒြိယံ န ဘာဝေဿန္တိ. အဋ္ဌ ပုဂ္ဂလာ စက္ခုန္ဒြိယဉ္စ န ပရိဇာနန္တိ အနညာတညဿာမီတိန္ဒြိယဉ္စ န ဘာဝေဿန္တိ.
(ခ) ယော ဝါ ပန အနညာတညဿာမီတိန္ဒြိယံ န ဘာဝေဿတိ သော စက္ခုန္ဒြိယံ န ပရိဇာနာတီတိ?
အဂ္ဂမဂ္ဂသမင်္ဂီ အနညာတညဿာမီတိန္ဒြိယံ န ဘာဝေဿတိ၊ နော စ စက္ခုန္ဒြိယံ န ပရိဇာနာတိ. အဋ္ဌ ပုဂ္ဂလာ အနညာတညဿာမီတိန္ဒြိယဉ္စ န ဘာဝေဿန္တိ စက္ခုန္ဒြိယဉ္စ န ပရိဇာနန္တိ.
(က) ယော စက္ခုန္ဒြိယံ န ပရိဇာနာတိ သော အညိန္ဒြိယံ န ဘာဝေဿတီတိ?
သတ္တ ပုဂ္ဂလာ စက္ခုန္ဒြိယံ န ပရိဇာနန္တိ၊ နော စ အညိန္ဒြိယံ န ဘာဝေဿန္တိ. ဒွေ ပုဂ္ဂလာ စက္ခုန္ဒြိယဉ္စ န ပရိဇာနန္တိ အညိန္ဒြိယဉ္စ န ဘာဝေဿန္တိ.
(ခ) ယော ဝါ ပန အညိန္ဒြိယံ န ဘာဝေဿတိ သော စက္ခုန္ဒြိယံ န ပရိဇာနာတီတိ?
အဂ္ဂမဂ္ဂသမင်္ဂီ အညိန္ဒြိယံ န ဘာဝေဿတိ၊ နော စ စက္ခုန္ဒြိယံ န ပရိဇာနာတိ. ဒွေ ပုဂ္ဂလာ အညိန္ဒြိယဉ္စ န ဘာဝေဿန္တိ စက္ခုန္ဒြိယဉ္စ န ပရိဇာနန္တိ.
(က) ယော စက္ခုန္ဒြိယံ န ပရိဇာနာတိ သော အညာတာဝိန္ဒြိယံ န သစ္ဆိကရိဿတီတိ?
သတ္တ ပုဂ္ဂလာ စက္ခုန္ဒြိယံ န ပရိဇာနန္တိ၊ နော စ အညာတာဝိန္ဒြိယံ န သစ္ဆိကရိဿန္တိ. ဒွေ ပုဂ္ဂလာ စက္ခုန္ဒြိယဉ္စ န ပရိဇာနန္တိ အညာတာဝိန္ဒြိယဉ္စ န သစ္ဆိကရိဿန္တိ.
(ခ) ယော ဝါ ပန အညာတာဝိန္ဒြိယံ န သစ္ဆိကရိဿတိ သော စက္ခုန္ဒြိယံ န ပရိဇာနာတီတိ? အာမန္တာ. (စက္ခုန္ဒြိယမူလကံ)
၄၇၂. (က) ယော ဒေါမနဿိန္ဒြိယံ နပ္ပဇဟတိ သော အနညာတညဿာမီတိန္ဒြိယံ န ဘာဝေဿတီတိ?
ယေ ပုထုဇ္ဇနာ မဂ္ဂံ ပဋိလဘိဿန္တိ တေ ဒေါမနဿိန္ဒြိယံ နပ္ပဇဟန္တိ၊ နော စ အနညာတညဿာမီတိန္ဒြိယံ န ဘာဝေဿန္တိ. အဋ္ဌ ပုဂ္ဂလာ ဒေါမနဿိန္ဒြိယဉ္စ နပ္ပဇဟန္တိ အနညာတညဿာမီတိန္ဒြိယဉ္စ န ဘာဝေဿန္တိ.
(ခ) ယော ဝါ ပန အနညာတညဿာမီတိန္ဒြိယံ န ဘာဝေဿတိ သော ဒေါမနဿိန္ဒြိယံ နပ္ပဇဟတီတိ?
အနာဂါမိမဂ္ဂသမင်္ဂီ အနညာတညဿာမီတိန္ဒြိယံ န ဘာဝေဿတိ၊ နော စ ဒေါမနဿိန္ဒြိယံ နပ္ပဇဟတိ. အဋ္ဌ ပုဂ္ဂလာ အနညာတညဿာမီတိန္ဒြိယဉ္စ န ဘာဝေဿန္တိ ဒေါမနဿိန္ဒြိယဉ္စ နပ္ပဇဟန္တိ.
(က) ယော ဒေါမနဿိန္ဒြိယံ နပ္ပဇဟတိ သော အညိန္ဒြိယံ န ဘာဝေဿတီတိ?
ဆ ပုဂ္ဂလာ ဒေါမနဿိန္ဒြိယံ နပ္ပဇဟန္တိ၊ နော စ အညိန္ဒြိယံ န ဘာဝေဿန္တိ. တယော ပုဂ္ဂလာ ဒေါမနဿိန္ဒြိယဉ္စ နပ္ပဇဟန္တိ အညိန္ဒြိယဉ္စ န ဘာဝေဿန္တိ.
(ခ) ယော ဝါ ပန အညိန္ဒြိယံ န ဘာဝေဿတိ သော ဒေါမနဿိန္ဒြိယံ နပ္ပဇဟတီတိ? အာမန္တာ.
(က) ယော ဒေါမနဿိန္ဒြိယံ နပ္ပဇဟတိ သော အညာတာဝိန္ဒြိယံ န သစ္ဆိကရိဿတီတိ?
သတ္တ ပုဂ္ဂလာ ဒေါမနဿိန္ဒြိယံ နပ္ပဇဟန္တိ၊ နော စ အညာတာဝိန္ဒြိယံ န သစ္ဆိကရိဿန္တိ. ဒွေ ပုဂ္ဂလာ ဒေါမနဿိန္ဒြိယဉ္စ နပ္ပဇဟန္တိ အညာတာဝိန္ဒြိယဉ္စ န သစ္ဆိကရိဿန္တိ.
(ခ) ယော ဝါ ပန အညာတာဝိန္ဒြိယံ န သစ္ဆိကရိဿတိ သော ဒေါမနဿိန္ဒြိယံ နပ္ပဇဟတီတိ? အာမန္တာ. (ဒေါမနဿိန္ဒြိယမူလကံ)
၄၇၃. (က) ယော အနညာတညဿာမီတိန္ဒြိယံ န ဘာဝေတိ သော အညိန္ဒြိယံ န ဘာဝေဿတီတိ?
ဆ ပုဂ္ဂလာ အနညာတညဿာမီတိန္ဒြိယံ န ဘာဝေန္တိ၊ နော စ အညိန္ဒြိယံ န ဘာဝေဿန္တိ. တယော ပုဂ္ဂလာ အနညာတညဿာမီတိန္ဒြိယဉ္စ န ဘာဝေန္တိ အညိန္ဒြိယဉ္စ န ဘာဝေဿန္တိ.
(ခ) ယော ဝါ ပန အညိန္ဒြိယံ န ဘာဝေဿတိ သော အနညာတညဿာမီတိန္ဒြိယံ န ဘာဝေတီတိ? အာမန္တာ.
(က) ယော အနညာတညဿာမီတိန္ဒြိယံ န ဘာဝေတိ သော အညာတာဝိန္ဒြိယံ န သစ္ဆိကရိဿတီတိ?
သတ္တ ပုဂ္ဂလာ အနညာတညဿာမီတိန္ဒြိယံ န ဘာဝေန္တိ၊ နော စ အညာတာဝိန္ဒြိယံ န သစ္ဆိကရိဿန္တိ. ဒွေ ပုဂ္ဂလာ အနညာတညဿာမီတိန္ဒြိယဉ္စ န ဘာဝေန္တိ အညာတာဝိန္ဒြိယဉ္စ န သစ္ဆိကရိဿန္တိ.
(ခ) ယော ဝါ ပန အညာတာဝိန္ဒြိယံ န သစ္ဆိကရိဿတိ သော အနညာတညဿာမီတိန္ဒြိယံ န ဘာဝေတီတိ? အာမန္တာ. (အနညာတညဿာမီတိန္ဒြိယမူလကံ)
၄၇၄. (က) ယော အညိန္ဒြိယံ န ဘာဝေတိ သော အညာတာဝိန္ဒြိယံ န သစ္ဆိကရိဿတီတိ?
ပဉ္စ ပုဂ္ဂလာ အညိန္ဒြိယံ န ဘာဝေန္တိ၊ နော စ အညာတာဝိန္ဒြိယံ န သစ္ဆိကရိဿန္တိ. ဒွေ ပုဂ္ဂလာ အညိန္ဒြိယဉ္စ န ဘာဝေန္တိ အညာတာဝိန္ဒြိယဉ္စ န သစ္ဆိကရိဿန္တိ.
(ခ) ယော ဝါ ပန အညာတာဝိန္ဒြိယံ န သစ္ဆိကရိဿတိ သော အညိန္ဒြိယံ န ဘာဝေတီတိ? အာမန္တာ. (အညိန္ဒြိယမူလကံ)