၆. အတီတာနာဂတဝါရော
(က) အနုလောမံ
၄၇၅. (က) ယော စက္ခုန္ဒြိယံ ပရိဇာနိတ္ထ သော ဒေါမနဿိန္ဒြိယံ ပဇဟိဿတီတိ? နော.
(ခ) ယော ဝါ ပန ဒေါမနဿိန္ဒြိယံ ပဇဟိဿတိ သော စက္ခုန္ဒြိယံ ပရိဇာနိတ္ထာတိ? နော.
(က) ယော စက္ခုန္ဒြိယံ ပရိဇာနိတ္ထ သော အနညာတညဿာမီတိန္ဒြိယံ ဘာဝေဿတီတိ? နော.
(ခ) ယော ဝါ ပန အနညာတညဿာမီတိန္ဒြိယံ ဘာဝေဿတိ သော စက္ခုန္ဒြိယံ ပရိဇာနိတ္ထာတိ? နော.
(က) ယော စက္ခုန္ဒြိယံ ပရိဇာနိတ္ထ သော အညိန္ဒြိယံ ဘာဝေဿတီတိ? နော.
(ခ) ယော ဝါ ပန အညိန္ဒြိယံ ဘာဝေဿတိ သော စက္ခုန္ဒြိယံ ပရိဇာနိတ္ထာတိ? နော.
(က) ယော စက္ခုန္ဒြိယံ ပရိဇာနိတ္ထ သော အညာတာဝိန္ဒြိယံ သစ္ဆိကရိဿတီတိ? နော.
(ခ) ယော ဝါ ပန အညာတာဝိန္ဒြိယံ သစ္ဆိကရိဿတိ သော စက္ခုန္ဒြိယံ ပရိဇာနိတ္ထာတိ? နော. (စက္ခုန္ဒြိယမူလကံ)
၄၇၆. (က) ယော ဒေါမနဿိန္ဒြိယံ ပဇဟိတ္ထ သော အနညာတညဿာမီတိန္ဒြိယံ ဘာဝေဿတီတိ? နော.
(ခ) ယော ဝါ ပန အနညာတညဿာမီတိန္ဒြိယံ ဘာဝေဿတိ သော ဒေါမနဿိန္ဒြိယံ ပဇဟိတ္ထာတိ? နော.
(က) ယော ဒေါမနဿိန္ဒြိယံ ပဇဟိတ္ထ သော အညိန္ဒြိယံ ဘာဝေဿတီတိ?
ဒွေ ပုဂ္ဂလာ ဒေါမနဿိန္ဒြိယံ ပဇဟိတ္ထ၊ နော စ အညိန္ဒြိယံ ဘာဝေဿန္တိ. အနာဂါမီ ဒေါမနဿိန္ဒြိယဉ္စ ပဇဟိတ္ထ အညိန္ဒြိယဉ္စ ဘာဝေဿတိ.
(ခ) ယော ဝါ ပန အညိန္ဒြိယံ ဘာဝေဿတိ သော ဒေါမနဿိန္ဒြိယံ ပဇဟိတ္ထာတိ?
ဆ ပုဂ္ဂလာ အညိန္ဒြိယံ ဘာဝေဿန္တိ၊ နော စ ဒေါမနဿိန္ဒြိယံ ပဇဟိတ္ထ. အနာဂါမီ အညိန္ဒြိယဉ္စ ဘာဝေဿတိ ဒေါမနဿိန္ဒြိယဉ္စ ပဇဟိတ္ထ.
(က) ယော ဒေါမနဿိန္ဒြိယံ ပဇဟိတ္ထ သော အညာတာဝိန္ဒြိယံ သစ္ဆိကရိဿတီတိ?
အရဟာ ဒေါမနဿိန္ဒြိယံ ပဇဟိတ္ထ၊ နော စ အညာတာဝိန္ဒြိယံ သစ္ဆိကရိဿတိ. ဒွေ ပုဂ္ဂလာ ဒေါမနဿိန္ဒြိယဉ္စ ပဇဟိတ္ထ အညာတာဝိန္ဒြိယဉ္စ သစ္ဆိကရိဿန္တိ.
(ခ) ယော ဝါ ပန အညာတာဝိန္ဒြိယံ သစ္ဆိကရိဿတိ သော ဒေါမနဿိန္ဒြိယံ ပဇဟိတ္ထာတိ?
ဆ ပုဂ္ဂလာ အညာတာဝိန္ဒြိယံ သစ္ဆိကရိဿန္တိ၊ နော စ ဒေါမနဿိန္ဒြိယံ ပဇဟိတ္ထ. ဒွေ ပုဂ္ဂလာ အညာတာဝိန္ဒြိယဉ္စ သစ္ဆိကရိဿန္တိ ဒေါမနဿိန္ဒြိယဉ္စ ပဇဟိတ္ထ. (ဒေါမနဿိန္ဒြိယမူလကံ)
၄၇၇. (က) ယော အနညာတညဿာမီတိန္ဒြိယံ ဘာဝိတ္ထ သော အညိန္ဒြိယံ ဘာဝေဿတီတိ?
ဒွေ ပုဂ္ဂလာ အနညာတညဿာမီတိန္ဒြိယံ ဘာဝိတ္ထ၊ နော စ အညိန္ဒြိယံ ဘာဝေဿန္တိ. ပဉ္စ ပုဂ္ဂလာ အနညာတညဿာမီတိန္ဒြိယဉ္စ ဘာဝိတ္ထ အညိန္ဒြိယဉ္စ ဘာဝေဿန္တိ.
(ခ) ယော ဝါ ပန အညိန္ဒြိယံ ဘာဝေဿတိ. သော အနညာတညဿာမီတိန္ဒြိယံ ဘာဝိတ္ထာတိ?
ဒွေ ပုဂ္ဂလာ အညိန္ဒြိယံ ဘာဝေဿန္တိ နော စ အနညာတညဿာမီတိန္ဒြိယံ ဘာဝိတ္ထ. တယော ပုဂ္ဂလာ အညိန္ဒြိယဉ္စ ဘာဝေဿန္တိ အနညာတညဿာမီတိန္ဒြိယဉ္စ ဘာဝိတ္ထ.
(က) ယော အနညာတညဿာမီတိန္ဒြိယံ ဘာဝိတ္ထ သော အညာတာဝိန္ဒြိယံ သစ္ဆိကရိဿတီတိ?
အရဟာ အနညာတညဿာမီတိန္ဒြိယံ ဘာဝိတ္ထ၊ နော စ အညာတာဝိန္ဒြိယံ သစ္ဆိကရိဿတိ. ဆ ပုဂ္ဂလာ အနညာတညဿာမီတိန္ဒြိယဉ္စ ဘာဝိတ္ထ အညာတာဝိန္ဒြိယဉ္စ သစ္ဆိကရိဿန္တိ.
(ခ) ယော ဝါ ပန အညာတာဝိန္ဒြိယံ သစ္ဆိကရိဿတိ သော အနညာတညဿာမီတိန္ဒြိယံ ဘာဝိတ္ထာတိ?
ဒွေ ပုဂ္ဂလာ အညာတာဝိန္ဒြိယံ သစ္ဆိကရိဿန္တိ၊ နော စ အနညာတညဿာမီတိန္ဒြိယံ ဘာဝိတ္ထ. ဆ ပုဂ္ဂလာ အညာတာဝိန္ဒြိယဉ္စ သစ္ဆိကရိဿန္တိ အနညာတညဿာမီတိန္ဒြိယဉ္စ ဘာဝိတ္ထ. (အနညာတညဿာမီတိန္ဒြိယမူလကံ)
၄၇၈. (က) ယော အညိန္ဒြိယံ ဘာဝိတ္ထ သော အညာတာဝိန္ဒြိယံ သစ္ဆိကရိဿတီတိ? နော.
(ခ) ယော ဝါ ပန အညာတာဝိန္ဒြိယံ သစ္ဆိကရိဿတိ သော အညိန္ဒြိယံ ဘာဝိတ္ထာတိ? နော. (အညိန္ဒြိယမူလကံ)
(ခ) ပစ္စနီကံ
၄၇၉. (က) ယော စက္ခုန္ဒြိယံ န ပရိဇာနိတ္ထ သော ဒေါမနဿိန္ဒြိယံ နပ္ပဇဟိဿတီတိ?
ပဉ္စ ပုဂ္ဂလာ စက္ခုန္ဒြိယံ န ပရိဇာနိတ္ထ၊ နော စ ဒေါမနဿိန္ဒြိယံ နပ္ပဇဟိဿန္တိ. စတ္တာရော ပုဂ္ဂလာ စက္ခုန္ဒြိယဉ္စ န ပရိဇာနိတ္ထ ဒေါမနဿိန္ဒြိယဉ္စ နပ္ပဇဟိဿန္တိ.
(ခ) ယော ဝါ ပန ဒေါမနဿိန္ဒြိယံ နပ္ပဇဟိဿတိ သော စက္ခုန္ဒြိယံ န ပရိဇာနိတ္ထာတိ?
အရဟာ ဒေါမနဿိန္ဒြိယံ နပ္ပဇဟိဿတိ၊ နော စ စက္ခုန္ဒြိယံ န ပရိဇာနိတ္ထ. စတ္တာရော ပုဂ္ဂလာ ဒေါမနဿိန္ဒြိယဉ္စ နပ္ပဇဟိဿန္တိ စက္ခုန္ဒြိယဉ္စ န ပရိဇာနိတ္ထ.
(က) ယော စက္ခုန္ဒြိယံ န ပရိဇာနိတ္ထ သော အနညာတညဿာမီတိန္ဒြိယံ န ဘာဝေဿတီတိ?
ယေ ပုထုဇ္ဇနာ မဂ္ဂံ ပဋိလဘိဿန္တိ တေ စက္ခုန္ဒြိယံ န ပရိဇာနိတ္ထ၊ နော စ အနညာတညဿာမီတိန္ဒြိယံ န ဘာဝေဿန္တိ. အဋ္ဌ ပုဂ္ဂလာ စက္ခုန္ဒြိယဉ္စ န ပရိဇာနိတ္ထ အနညာတညဿာမီတိန္ဒြိယဉ္စ န ဘာဝေဿန္တိ.
(ခ) ယော ဝါ ပန အနညာတညဿာမီတိန္ဒြိယံ န ဘာဝေဿတိ သော စက္ခုန္ဒြိယံ န ပရိဇာနိတ္ထာတိ?
အရဟာ အနညာတညဿာမီတိန္ဒြိယံ န ဘာဝေဿတိ၊ နော စ စက္ခုန္ဒြိယံ န ပရိဇာနိတ္ထ. အဋ္ဌ ပုဂ္ဂလာ အနညာတညဿာမီတိန္ဒြိယဉ္စ န ဘာဝေဿန္တိ စက္ခုန္ဒြိယဉ္စ န ပရိဇာနိတ္ထ.
(က) ယော စက္ခုန္ဒြိယံ န ပရိဇာနိတ္ထ သော အညိန္ဒြိယံ န ဘာဝေဿတီတိ?
သတ္တ ပုဂ္ဂလာ စက္ခုန္ဒြိယံ န ပရိဇာနိတ္ထ၊ နော စ အညိန္ဒြိယံ န ဘာဝေဿန္တိ. ဒွေ ပုဂ္ဂလာ စက္ခုန္ဒြိယဉ္စ န ပရိဇာနိတ္ထ အညိန္ဒြိယဉ္စ န ဘာဝေဿန္တိ.
(ခ) ယော ဝါ ပန အညိန္ဒြိယံ န ဘာဝေဿတိ သော စက္ခုန္ဒြိယံ န ပရိဇာနိတ္ထာတိ?
အရဟာ အညိန္ဒြိယံ န ဘာဝေဿတိ၊ နော စ စက္ခုန္ဒြိယံ န ပရိဇာနိတ္ထ. ဒွေ ပုဂ္ဂလာ အညိန္ဒြိယဉ္စ န ဘာဝေဿန္တိ စက္ခုန္ဒြိယဉ္စ န ပရိဇာနိတ္ထ.
(က) ယော စက္ခုန္ဒြိယံ န ပရိဇာနိတ္ထ သော အညာတာဝိန္ဒြိယံ န သစ္ဆိကရိဿတီတိ?
အဋ္ဌ ပုဂ္ဂလာ စက္ခုန္ဒြိယံ န ပရိဇာနိတ္ထ၊ နော စ အညာတာဝိန္ဒြိယံ န သစ္ဆိကရိဿန္တိ. ယေ ပုထုဇ္ဇနာ မဂ္ဂံ န ပဋိလဘိဿန္တိ တေ စက္ခုန္ဒြိယဉ္စ န ပရိဇာနိတ္ထ အညာတာဝိန္ဒြိယဉ္စ န သစ္ဆိကရိဿန္တိ.
(ခ) ယော ဝါ ပန အညာတာဝိန္ဒြိယံ န သစ္ဆိကရိဿတိ သော စက္ခုန္ဒြိယံ န ပရိဇာနိတ္ထာတိ?
အရဟာ အညာတာဝိန္ဒြိယံ န သစ္ဆိကရိဿတိ၊ နော စ စက္ခုန္ဒြိယံ န ပရိဇာနိတ္ထ. ယေ ပုထုဇ္ဇနာ မဂ္ဂံ န ပဋိလဘိဿန္တိ တေ အညာတာဝိန္ဒြိယဉ္စ န သစ္ဆိကရိဿန္တိ စက္ခုန္ဒြိယဉ္စ န ပရိဇာနိတ္ထ. (စက္ခုန္ဒြိယမူလကံ)
၄၈၀. (က) ယော ဒေါမနဿိန္ဒြိယံ နပ္ပဇဟိတ္ထ သော အနညာတညဿာမီတိန္ဒြိယံ န ဘာဝေဿတီတိ?
ယေ ပုထုဇ္ဇနာ မဂ္ဂံ ပဋိလဘိဿန္တိ တေ ဒေါမနဿိန္ဒြိယံ နပ္ပဇဟိတ္ထ၊ နော စ အနညာတညဿာမီတိန္ဒြိယံ န ဘာဝေဿန္တိ. ဆ ပုဂ္ဂလာ ဒေါမနဿိန္ဒြိယဉ္စ နပ္ပဇဟိတ္ထ အနညာတညဿာမီတိန္ဒြိယဉ္စ န ဘာဝေဿန္တိ.
(ခ) ယော ဝါ ပန အနညာတညဿာမီတိန္ဒြိယံ န ဘာဝေဿတိ သော ဒေါမနဿိန္ဒြိယံ နပ္ပဇဟိတ္ထာတိ?
တယော ပုဂ္ဂလာ အနညာတညဿာမီတိန္ဒြိယံ န ဘာဝေဿန္တိ၊ နော စ ဒေါမနဿိန္ဒြိယံ နပ္ပဇဟိတ္ထ. ဆ ပုဂ္ဂလာ အနညာတညဿာမီတိန္ဒြိယဉ္စ န ဘာဝေဿန္တိ ဒေါမနဿိန္ဒြိယဉ္စ နပ္ပဇဟိတ္ထ.
(က) ယော ဒေါမနဿိန္ဒြိယံ နပ္ပဇဟိတ္ထ သော အညိန္ဒြိယံ န ဘာဝေဿတီတိ?
ဆ ပုဂ္ဂလာ ဒေါမနဿိန္ဒြိယံ နပ္ပဇဟိတ္ထ၊ နော စ အညိန္ဒြိယံ န ဘာဝေဿန္တိ. ယေ ပုထုဇ္ဇနာ မဂ္ဂံ န ပဋိလဘိဿန္တိ တေ ဒေါမနဿိန္ဒြိယဉ္စ နပ္ပဇဟိတ္ထ အညိန္ဒြိယဉ္စ န ဘာဝေဿန္တိ.
(ခ) ယော ဝါ ပန အညိန္ဒြိယံ န ဘာဝေဿတိ သော ဒေါမနဿိန္ဒြိယံ နပ္ပဇဟိတ္ထာတိ?
ဒွေ ပုဂ္ဂလာ အညိန္ဒြိယံ န ဘာဝေဿန္တိ၊ နော စ ဒေါမနဿိန္ဒြိယံ နပ္ပဇဟိတ္ထ. ယေ ပုထုဇ္ဇနာ မဂ္ဂံ န ပဋိလဘိဿန္တိ တေ အညိန္ဒြိယဉ္စ န ဘာဝေဿန္တိ ဒေါမနဿိန္ဒြိယဉ္စ နပ္ပဇဟိတ္ထ.
(က) ယော ဒေါမနဿိန္ဒြိယံ နပ္ပဇ္ဇဟိတ္ထ သော အညာတာဝိန္ဒြိယံ န သစ္ဆိကရိဿတီတိ?
ဆ ပုဂ္ဂလာ ဒေါမနဿိန္ဒြိယံ နပ္ပဇဟိတ္ထ၊ နော စ အညာတာဝိန္ဒြိယံ န သစ္ဆိကရိဿန္တိ. ယေ ပုထုဇ္ဇနာ မဂ္ဂံ န ပဋိလဘိဿန္တိ တေ ဒေါမနဿိန္ဒြိယဉ္စ နပ္ပဇဟိတ္ထ အညာတာဝိန္ဒြိယဉ္စ န သစ္ဆိကရိဿန္တိ.
(ခ) ယော ဝါ ပန အညာတာဝိန္ဒြိယံ န သစ္ဆိကရိဿတိ သော ဒေါမနဿိန္ဒြိယံ နပ္ပဇဟိတ္ထာတိ?
အရဟာ အညာတာဝိန္ဒြိယံ န သစ္ဆိကရိဿတိ၊ နော စ ဒေါမနဿိန္ဒြိယံ နပ္ပဇဟိတ္ထ. ယေ ပုထုဇ္ဇနာ မဂ္ဂံ န ပဋိလဘိဿန္တိ တေ အညာတာဝိန္ဒြိယဉ္စ န သစ္ဆိကရိဿန္တိ ဒေါမနဿိန္ဒြိယဉ္စ နပ္ပဇဟိတ္ထ. (ဒေါမနဿိန္ဒြိယမူလကံ)
၄၈၁. (က) ယော အနညာတညဿာမီတိန္ဒြိယံ န ဘာဝိတ္ထ သော အညိန္ဒြိယံ န ဘာဝေဿတီတိ?
ဒွေ ပုဂ္ဂလာ အနညာတညဿာမီတိန္ဒြိယံ န ဘာဝိတ္ထ၊ နော စ အညိန္ဒြိယံ န ဘာဝေဿန္တိ. ယေ ပုထုဇ္ဇနာ မဂ္ဂံ န ပဋိလဘိဿန္တိ တေ အနညာတညဿာမီတိန္ဒြိယဉ္စ န ဘာဝိတ္ထ အညိန္ဒြိယဉ္စ န ဘာဝေဿန္တိ.
(ခ) ယော ဝါ ပန အညိန္ဒြိယံ န ဘာဝေဿတိ သော အနညာတညဿာမီတိန္ဒြိယံ န ဘာဝိတ္ထာတိ?
ဒွေ ပုဂ္ဂလာ အညိန္ဒြိယံ န ဘာဝေဿန္တိ၊ နော စ အနညာတညဿာမီတိန္ဒြိယံ န ဘာဝိတ္ထ. ယေ ပုထုဇ္ဇနာ မဂ္ဂံ န ပဋိလဘိဿန္တိ တေ အညိန္ဒြိယဉ္စ န ဘာဝေဿန္တိ အနညာတညဿာမီတိန္ဒြိယဉ္စ န ဘာဝိတ္ထ.
(က) ယော အနညာတညဿာမီတိန္ဒြိယံ န ဘာဝိတ္ထ သော အညာတာဝိန္ဒြိယံ န သစ္ဆိကရိဿတီတိ?
ဒွေ ပုဂ္ဂလာ အနညာတညဿာမီတိန္ဒြိယံ န ဘာဝိတ္ထ၊ နော စ အညာတာဝိန္ဒြိယံ န သစ္ဆိကရိဿန္တိ. ယေ ပုထုဇ္ဇနာ မဂ္ဂံ န ပဋိလဘိဿန္တိ တေ အနညာတညဿာမီတိန္ဒြိယဉ္စ န ဘာဝိတ္ထ အညာတာဝိန္ဒြိယဉ္စ န သစ္ဆိကရိဿန္တိ.
(ခ) ယော ဝါ ပန အညာတာဝိန္ဒြိယံ န သစ္ဆိကရိဿတိ သော အနညာတညဿာမီတိန္ဒြိယံ န ဘာဝိတ္ထာတိ?
အရဟာ အညာတာဝိန္ဒြိယံ န သစ္ဆိကရိဿတိ၊ နော စ အနညာတညဿာမီတိန္ဒြိယံ န ဘာဝိတ္ထ. ယေ ပုထုဇ္ဇနာ မဂ္ဂံ န ပဋိလဘိဿန္တိ တေ အညာတာဝိန္ဒြိယဉ္စ န သစ္ဆိကရိဿန္တိ အနညာတညဿာမီတိန္ဒြိယဉ္စ န ဘာဝိတ္ထ. (အနညာတညဿာမီတိန္ဒြိယမူလကံ)
၄၈၂. (က) ယော အညိန္ဒြိယံ န ဘာဝိတ္ထ သော အညာတာဝိန္ဒြိယံ န သစ္ဆိကရိဿတီတိ?
အဋ္ဌ ပုဂ္ဂလာ အညိန္ဒြိယံ န ဘာဝိတ္ထ၊ နော စ အညာတာဝိန္ဒြိယံ န သစ္ဆိကရိဿန္တိ. ယေ ပုထုဇ္ဇနာ မဂ္ဂံ န ပဋိလဘိဿန္တိ တေ အညိန္ဒြိယဉ္စ န ဘာဝိတ္ထ အညာတာဝိန္ဒြိယဉ္စ န သစ္ဆိကရိဿန္တိ.
(ခ) ယော ဝါ ပန အညာတာဝိန္ဒြိယံ န သစ္ဆိကရိဿတိ သော အညိန္ဒြိယံ န ဘာဝိတ္ထာတိ?
အရဟာ အညာတာဝိန္ဒြိယံ န သစ္ဆိကရိဿတိ၊ နော စ အညိန္ဒြိယံ န ဘာဝိတ္ထ. ယေ ပုထုဇ္ဇနာ မဂ္ဂံ န ပဋိလဘိဿန္တိ တေ အညာတာဝိန္ဒြိယဉ္စ န သစ္ဆိကရိဿန္တိ အညိန္ဒြိယဉ္စ န ဘာဝိတ္ထ. (အညိန္ဒြိယမူလကံ).
ပရိညာဝါရော.
ဣန္ဒြိယယမကံ နိဋ္ဌိတံ.
ယမကပကရဏံ နိဋ္ဌိတံ.