၃. အနာဂတဝါရော
(က) အနုလောမံ
၄၅၁. (က) ယော စက္ခုန္ဒြိယံ ပရိဇာနိဿတိ သော ဒေါမနဿိန္ဒြိယံ ပဇဟိဿတီတိ?
ဒွေ ပုဂ္ဂလာ စက္ခုန္ဒြိယံ ပရိဇာနိဿန္တိ၊ နော စ ဒေါမနဿိန္ဒြိယံ ပဇဟိဿန္တိ. ပဉ္စ ပုဂ္ဂလာ စက္ခုန္ဒြိယဉ္စ ပရိဇာနိဿန္တိ ဒေါမနဿိန္ဒြိယဉ္စ ပဇဟိဿန္တိ.
(ခ) ယော ဝါ ပန ဒေါမနဿိန္ဒြိယံ ပဇဟိဿတိ သော စက္ခုန္ဒြိယံ ပရိဇာနိဿတီတိ? အာမန္တာ.
(က) ယော စက္ခုန္ဒြိယံ ပရိဇာနိဿတိ သော အနညာတညဿာမီတိန္ဒြိယံ ဘာဝေဿတီတိ?
ဆ ပုဂ္ဂလာ စက္ခုန္ဒြိယံ ပရိဇာနိဿန္တိ၊ နော စ အနညာတညဿာမီတိန္ဒြိယံ ဘာဝေဿန္တိ. ယေ ပုထုဇ္ဇနာ မဂ္ဂံ ပဋိလဘိဿန္တိ တေ စက္ခုန္ဒြိယဉ္စ ပရိဇာနိဿန္တိ အနညာတညဿာမီတိန္ဒြိယဉ္စ ဘာဝေဿန္တိ.
(ခ) ယော ဝါ ပန အနညာတညဿာမီတိန္ဒြိယံ ဘာဝေဿတိ သော စက္ခုန္ဒြိယံ ပရိဇာနိဿတီတိ? အာမန္တာ.
(က) ယော စက္ခုန္ဒြိယံ ပရိဇာနိဿတိ သော အညိန္ဒြိယံ ဘာဝေဿတီတိ? အာမန္တာ.
(ခ) ယော ဝါ ပန အညိန္ဒြိယံ ဘာဝေဿတိ သော စက္ခုန္ဒြိယံ ပရိဇာနိဿတီတိ? အာမန္တာ.
(က) ယော စက္ခုန္ဒြိယံ ပရိဇာနိဿတိ သော အညာတာဝိန္ဒြိယံ သစ္ဆိကရိဿတီတိ? အာမန္တာ.
(ခ) ယော ဝါ ပန အညာတာဝိန္ဒြိယံ သစ္ဆိကရိဿတိ သော စက္ခုန္ဒြိယံ ပရိဇာနိဿတီတိ?
အဂ္ဂမဂ္ဂသမင်္ဂီ အညာတာဝိန္ဒြိယံ သစ္ဆိကရိဿတိ၊ နော စ စက္ခုန္ဒြိယံ ပရိဇာနိဿတိ. သတ္တ ပုဂ္ဂလာ အညာတာဝိန္ဒြိယဉ္စ သစ္ဆိကရိဿန္တိ စက္ခုန္ဒြိယဉ္စ ပရိဇာနိဿန္တိ. (စက္ခုန္ဒြိယမူလကံ)
၄၅၂. (က) ယော ဒေါမနဿိန္ဒြိယံ ပဇဟိဿတိ သော အနညာတညဿာမီတိန္ဒြိယံ ဘာဝေဿတီတိ?
စတ္တာရော ပုဂ္ဂလာ ဒေါမနဿိန္ဒြိယံ ပဇဟိဿန္တိ၊ နော စ အနညာတညဿာမီတိန္ဒြိယံ ဘာဝေဿန္တိ. ယေ ပုထုဇ္ဇနာ မဂ္ဂံ ပဋိလဘိဿန္တိ တေ ဒေါမနဿိန္ဒြိယဉ္စ ပဇဟိဿန္တိ အနညာတညဿာမီတိန္ဒြိယဉ္စ ဘာဝေဿန္တိ.
(ခ) ယော ဝါ ပန အနညာတညဿာမီတိန္ဒြိယံ ဘာဝေဿတိ သော ဒေါမနဿိန္ဒြိယံ ပဇဟိဿတီတိ? အာမန္တာ.
(က) ယော ဒေါမနဿိန္ဒြိယံ ပဇဟိဿတိ သော အညိန္ဒြိယံ ဘာဝေဿတီတိ? အာမန္တာ.
(ခ) ယော ဝါ ပန အညိန္ဒြိယံ ဘာဝေဿတိ သော ဒေါမနဿိန္ဒြိယံ ပဇဟိဿတီတိ?
ဒွေ ပုဂ္ဂလာ အညိန္ဒြိယံ ဘာဝေဿန္တိ နော စ ဒေါမနဿိန္ဒြိယံ ပဇဟိဿန္တိ၊ ပဉ္စ ပုဂ္ဂလာ အညိန္ဒြိယဉ္စ ဘဝိဿန္တိ ဒေါမနဿိန္ဒြိယဉ္စ ပဇဟိဿန္တိ.
(က) ယော ဒေါမနဿိန္ဒြိယံ ပဇဟိဿတိ သော အညာတာဝိန္ဒြိယံ သစ္ဆိကရိဿတီတိ? အာမန္တာ.
(ခ) ယော ဝါ ပန အညာတာဝိန္ဒြိယံ သစ္ဆိကရိဿတိ သော ဒေါမနဿိန္ဒြိယံ ပဇဟိဿတီတိ?
တယော ပုဂ္ဂလာ အညာတာဝိန္ဒြိယံ သစ္ဆိကရိဿန္တိ၊ နော စ ဒေါမနဿိန္ဒြိယံ ပဇဟိဿန္တိ. ပဉ္စ ပုဂ္ဂလာ အညာတာဝိန္ဒြိယဉ္စ သစ္ဆိကရိဿန္တိ ဒေါမနဿိန္ဒြိယဉ္စ ပဇဟိဿန္တိ. (ဒေါမနဿိန္ဒြိယမူလကံ)
၄၅၃. (က) ယော အနညာတညဿာမီတိန္ဒြိယံ ဘာဝေဿတိ သော အညိန္ဒြိယံ ဘာဝေဿတီတိ? အာမန္တာ.
(ခ) ယော ဝါ ပန အညိန္ဒြိယံ ဘာဝေဿတိ သော အနညာတညဿာမီတိန္ဒြိယံ ဘာဝေဿတီတိ?
ဆ ပုဂ္ဂလာ အညိန္ဒြိယံ ဘာဝေဿန္တိ၊ နော စ အနညာတညဿာမီတိန္ဒြိယံ ဘာဝေဿန္တိ. ယေ ပုထုဇ္ဇနာ မဂ္ဂံ ပဋိလဘိဿန္တိ တေ အညိန္ဒြိယဉ္စ ဘာဝေဿန္တိ အနညာတညဿာမီတိန္ဒြိယဉ္စ ဘာဝေဿန္တိ.
(က) ယော အနညာတညဿာမီတိန္ဒြိယံ ဘာဝေဿတိ သော အညာတာဝိန္ဒြိယံ သစ္ဆိကရိဿတီတိ? အာမန္တာ.
(ခ) ယော ဝါ ပန အညာတာဝိန္ဒြိယံ သစ္ဆိကရိဿတိ သော အနညာတညဿာမီတိန္ဒြိယံ ဘာဝေဿတီတိ?
သတ္တ ပုဂ္ဂလာ အညာတာဝိန္ဒြိယံ သစ္ဆိကရိဿန္တိ၊ နော စ အနညာတညဿာမီတိန္ဒြိယံ ဘာဝေဿန္တိ. ယေ ပုထုဇ္ဇနာ မဂ္ဂံ ပဋိလဘိဿန္တိ တေ အညာတာဝိန္ဒြိယဉ္စ သစ္ဆိကရိဿန္တိ အနညာတညဿာမီတိန္ဒြိယဉ္စ ဘာဝေဿန္တိ. (အနညာတညဿာမီတိန္ဒြိယမူလကံ)
၄၅၄. (က) ယော အညိန္ဒြိယံ ဘာဝေဿတိ သော အညာတာဝိန္ဒြိယံ သစ္ဆိကရိဿတီတိ? အာမန္တာ.
(ခ) ယော ဝါ ပန အညာတာဝိန္ဒြိယံ သစ္ဆိကရိဿတိ သော အညိန္ဒြိယံ ဘာဝေဿတီတိ?
အဂ္ဂမဂ္ဂသမင်္ဂီ အညာတာဝိန္ဒြိယံ သစ္ဆိကရိဿန္တိ၊ နော စ အညိန္ဒြိယံ ဘာဝေဿန္တိ. သတ္တ ပုဂ္ဂလာ အညာတာဝိန္ဒြိယဉ္စ သစ္ဆိကရိဿန္တိ အညိန္ဒြိယဉ္စ ဘာဝေဿန္တိ. (အညိန္ဒြိယမူလကံ)
(ခ) ပစ္စနီကံ
၄၅၅. (က) ယော စက္ခုန္ဒြိယံ န ပရိဇာနိဿတိ သော ဒေါမနဿိန္ဒြိယံ နပ္ပဇဟိဿတီတိ? အာမန္တာ.
(ခ) ယော ဝါ ပန ဒေါမနဿိန္ဒြိယံ နပ္ပဇဟိဿတိ သော စက္ခုန္ဒြိယံ န ပရိဇာနိဿတီတိ?
ဒွေ ပုဂ္ဂလာ ဒေါမနဿိန္ဒြိယံ နပ္ပဇဟိဿန္တိ၊ နော စ စက္ခုန္ဒြိယံ န ပရိဇာနိဿန္တိ. တယော ပုဂ္ဂလာ ဒေါမနဿိန္ဒြိယဉ္စ နပ္ပဇဟိဿန္တိ စက္ခုန္ဒြိယဉ္စ န ပရိဇာနိဿန္တိ.
(က) ယော စက္ခုန္ဒြိယံ န ပရိဇာနိဿတိ သော အနညာတညဿာမီတိန္ဒြိယံ န ဘာဝေဿတီတိ. အာမန္တာ.
(ခ) ယော ဝါ ပန အနညာတညဿာမီတိန္ဒြိယံ န ဘာဝေဿတိ သော စက္ခုန္ဒြိယံ န ပရိဇာနိဿတီတိ.
ဆ ပုဂ္ဂလာ အနညာတညဿာမီတိန္ဒြိယံ န ဘာဝေဿန္တိ၊ နော စ စက္ခုန္ဒြိယံ န ပရိဇာနိဿန္တိ. တယော ပုဂ္ဂလာ အနညာတညဿာမီတိန္ဒြိယဉ္စ န ဘာဝေဿန္တိ စက္ခုန္ဒြိယဉ္စ န ပရိဇာနိဿန္တိ.
(က) ယော စက္ခုန္ဒြိယံ န ပရိဇာနိဿတိ သော အညိန္ဒြိယံ န ဘာဝေဿတီတိ? အာမန္တာ.
(ခ) ယော ဝါ ပန အညိန္ဒြိယံ န ဘာဝေဿတိ သော စက္ခုန္ဒြိယံ န ပရိဇာနိဿတီတိ? အာမန္တာ.
(က) ယော စက္ခုန္ဒြိယံ န ပရိဇာနိဿတိ သော အညာတာဝိန္ဒြိယံ န သစ္ဆိကရိဿတီတိ?
အဂ္ဂမဂ္ဂသမင်္ဂီ စက္ခုန္ဒြိယံ န ပရိဇာနိဿတိ၊ နော စ အညာတာဝိန္ဒြိယံ န သစ္ဆိကရိဿတိ. ဒွေ ပုဂ္ဂလာ စက္ခုန္ဒြိယဉ္စ န ပရိဇာနိဿန္တိ အညာတာဝိန္ဒြိယဉ္စ န သစ္ဆိကရိဿန္တိ.
(ခ) ယော ဝါ ပန အညာတာဝိန္ဒြိယံ န သစ္ဆိကရိဿတိ သော စက္ခုန္ဒြိယံ န ပရိဇာနိဿတီတိ? အာမန္တာ. (စက္ခုန္ဒြိယမူလကံ)
၄၅၆. (က) ယော ဒေါမနဿိန္ဒြိယံ နပ္ပဇဟိဿတိ သော အနညာတညဿာမီတိန္ဒြိယံ န ဘာဝေဿတီတိ? အာမန္တာ.
(ခ) ယော ဝါ ပန အနညာတညဿာမီတိန္ဒြိယံ န ဘာဝေဿတိ သော ဒေါမနဿိန္ဒြိယံ နပ္ပဇဟိဿတီတိ?
စတ္တာရော ပုဂ္ဂလာ အနညာတညဿာမီတိန္ဒြိယံ န ဘာဝေဿန္တိ၊ နော စ ဒေါမနဿိန္ဒြိယံ နပ္ပဇဟိဿန္တိ. ပဉ္စ ပုဂ္ဂလာ အနညာတညဿာမီတိန္ဒြိယဉ္စ န ဘာဝေဿန္တိ ဒေါမနဿိန္ဒြိယဉ္စ နပ္ပဇဟိဿန္တိ.
(က) ယော ဒေါမနဿိန္ဒြိယံ နပ္ပဇဟိဿတိ သော အညိန္ဒြိယံ န ဘာဝေဿတီတိ?
ဒွေ ပုဂ္ဂလာ ဒေါမနဿိန္ဒြိယံ နပ္ပဇဟိဿန္တိ၊ နော စ အညိန္ဒြိယံ န ဘာဝေဿန္တိ. တယော ပုဂ္ဂလာ ဒေါမနဿိန္ဒြိယဉ္စ နပ္ပဇဟိဿန္တိ အညိန္ဒြိယဉ္စ န ဘာဝေဿန္တိ.
(ခ) ယော ဝါ ပန အညိန္ဒြိယံ န ဘာဝေဿတိ သော ဒေါမနဿိန္ဒြိယံ နပ္ပဇဟိဿတီတိ? အာမန္တာ.
(က) ယော ဒေါမနဿိန္ဒြိယံ နပ္ပဇဟိဿတိ သော အညာတာဝိန္ဒြိယံ န သစ္ဆိကရိဿတီတိ?
တယော ပုဂ္ဂလာ ဒေါမနဿိန္ဒြိယံ နပ္ပဇဟိဿန္တိ၊ နော စ အညာတာဝိန္ဒြိယံ န သစ္ဆိကရိဿန္တိ. ဒွေ ပုဂ္ဂလာ ဒေါမနဿိန္ဒြိယဉ္စ နပ္ပဇဟိဿန္တိ အညာတာဝိန္ဒြိယဉ္စ န သစ္ဆိကရိဿန္တိ.
(ခ) ယော ဝါ ပန အညာတာဝိန္ဒြိယံ န သစ္ဆိကရိဿတိ သော ဒေါမနဿိန္ဒြိယံ နပ္ပဇဟိဿတီတိ? အာမန္တာ. (ဒေါမနဿိန္ဒြိယမူလကံ)
၄၅၇. (က) ယော အနညာတညဿာမီတိန္ဒြိယံ န ဘာဝေဿတိ သော အညိန္ဒြိယံ န ဘာဝေဿတီတိ?
ဆ ပုဂ္ဂလာ အနညာတညဿာမီတိန္ဒြိယံ န ဘာဝေဿန္တိ၊ နော စ အညိန္ဒြိယံ န ဘာဝေဿန္တိ. တယော ပုဂ္ဂလာ အနညာတညဿာမီတိန္ဒြိယဉ္စ န ဘာဝေဿန္တိ အညိန္ဒြိယဉ္စ န ဘာဝေဿန္တိ.
(ခ) ယော ဝါ ပန အညိန္ဒြိယံ န ဘာဝေဿတိ သော အနညာတညဿာမီတိန္ဒြိယံ န ဘာဝေဿတီတိ? အာမန္တာ.
(က) ယော အနညာတညဿာမီတိန္ဒြိယံ န ဘာဝေဿတိ သော အညာတာဝိန္ဒြိယံ န သစ္ဆိကရိဿတီတိ?
သတ္တ ပုဂ္ဂလာ အနညာတညဿာမီတိန္ဒြိယံ န ဘာဝေဿန္တိ၊ နော စ အညာတာဝိန္ဒြိယံ န သစ္ဆိကရိဿန္တိ. ဒွေ ပုဂ္ဂလာ အနညာတညဿာမီတိန္ဒြိယဉ္စ န ဘာဝေဿန္တိ အညာတာဝိန္ဒြိယဉ္စ န သစ္ဆိကရိဿန္တိ.
(ခ) ယော ဝါ ပန အညာတာဝိန္ဒြိယံ န သစ္ဆိကရိဿတိ သော အနညာတညဿာမီတိန္ဒြိယံ န ဘာဝေဿတီတိ? အာမန္တာ. (အနညာတညဿာမီတိန္ဒြိယမူလကံ)
၄၅၈. (က) ယော အညိန္ဒြိယံ န ဘာဝေဿတိ သော အညာတာဝိန္ဒြိယံ န သစ္ဆိကရိဿတီတိ?
အဂ္ဂမဂ္ဂသမင်္ဂီ အညိန္ဒြိယံ န ဘာဝေဿတိ၊ နော စ အညာတာဝိန္ဒြိယံ န သစ္ဆိကရိဿတိ. ဒွေ ပုဂ္ဂလာ အညိန္ဒြိယဉ္စ န ဘာဝေဿန္တိ အညာတာဝိန္ဒြိယဉ္စ န သစ္ဆိကရိဿန္တိ.
(ခ) ယော ဝါ ပန အညာတာဝိန္ဒြိယံ န သစ္ဆိကရိဿတိ သော အညိန္ဒြိယံ န ဘာဝေဿတီတိ? အာမန္တာ. (အညိန္ဒြိယမူလကံ)