၂. အတီတဝါရော
(က) အနုလောမံ
၄၄၃. (က) ယော စက္ခုန္ဒြိယံ ပရိဇာနိတ္ထ သော ဒေါမနဿိန္ဒြိယံ ပဇဟိတ္ထာတိ? အာမန္တာ.
(ခ) ယော ဝါ ပန ဒေါမနဿိန္ဒြိယံ ပဇဟိတ္ထ သော စက္ခုန္ဒြိယံ ပရိဇာနိတ္ထာတိ?
ဒွေ ပုဂ္ဂလာ ဒေါမနဿိန္ဒြိယံ ပဇဟိတ္ထ၊ နော စ စက္ခုန္ဒြိယံ ပရိဇာနိတ္ထ. အရဟာ ဒေါမနဿိန္ဒြိယဉ္စ ပဇဟိတ္ထ စက္ခုန္ဒြိယဉ္စ ပရိဇာနိတ္ထ.
(က) ယော စက္ခုန္ဒြိယံ ပရိဇာနိတ္ထ သော အနညာတညဿာမီတိန္ဒြိယံ ဘာဝိတ္ထာတိ? အာမန္တာ.
(ခ) ယော ဝါ ပန အနညာတညဿာမီတိန္ဒြိယံ ဘာဝိတ္ထ သော စက္ခုန္ဒြိယံ ပရိဇာနိတ္ထာတိ?
ဆ ပုဂ္ဂလာ အနညာတညဿာမီတိန္ဒြိယံ ဘာဝိတ္ထ၊ နော စ စက္ခုန္ဒြိယံ ပရိဇာနိတ္ထ. အရဟာ အနညာတညဿာမီတိန္ဒြိယဉ္စ ဘာဝိတ္ထ စက္ခုန္ဒြိယဉ္စ ပရိဇာနိတ္ထ.
(က) ယော စက္ခုန္ဒြိယံ ပရိဇာနိတ္ထ သော အညိန္ဒြိယံ ဘာဝိတ္ထာတိ? အာမန္တာ.
(ခ) ယော ဝါ ပန အညိန္ဒြိယံ ဘာဝိတ္ထ သော စက္ခုန္ဒြိယံ ပရိဇာနိတ္ထာတိ? အာမန္တာ.
(က) ယော စက္ခုန္ဒြိယံ ပရိဇာနိတ္ထ သော အညာတာဝိန္ဒြိယံ သစ္ဆိကရိတ္ထာတိ?
ယော အဂ္ဂဖလံ သစ္ဆိကရောတိ သော စက္ခုန္ဒြိယံ ပရိဇာနိတ္ထ၊ နော စ အညာတာဝိန္ဒြိယံ သစ္ဆိကရိတ္ထ. ယော အဂ္ဂဖလံ သစ္ဆာကာသိ သော စက္ခုန္ဒြိယဉ္စ ပရိဇာနိတ္ထ အညာတာဝိန္ဒြိယဉ္စ သစ္ဆိကရိတ္ထ.
(ခ) ယော ဝါ ပန အညာတာဝိန္ဒြိယံ သစ္ဆိကရိတ္ထ သော စက္ခုန္ဒြိယံ ပရိဇာနိတ္ထာတိ? အာမန္တာ. (စက္ခုန္ဒြိယမူလကံ)
၄၄၄. (က) ယော ဒေါမနဿိန္ဒြိယံ ပဇဟိတ္ထ သော အနညာတညဿာမီတိန္ဒြိယံ ဘာဝိတ္ထာတိ? အာမန္တာ.
(ခ) ယော ဝါ ပန အနညာတညဿာမီတိန္ဒြိယံ ဘာဝိတ္ထ သော ဒေါမနဿိန္ဒြိယံ ပဇဟိတ္ထာတိ?
စတ္တာရော ပုဂ္ဂလာ အနညာတညဿာမီတိန္ဒြိယံ ဘာဝိတ္ထ၊ နော စ ဒေါမနဿိန္ဒြိယံ ပဇဟိတ္ထ. တယော ပုဂ္ဂလာ အနညာတညဿာမီတိန္ဒြိယဉ္စ ဘာဝိတ္ထ ဒေါမနဿိန္ဒြိယဉ္စ ပဇဟိတ္ထ.
(က) ယော ဒေါမနဿိန္ဒြိယံ ပဇဟိတ္ထ သော အညိန္ဒြိယံ ဘာဝိတ္ထာတိ?
ဒွေ ပုဂ္ဂလာ ဒေါမနဿိန္ဒြိယံ ပဇဟိတ္ထ၊ နော စ အညိန္ဒြိယံ ဘာဝိတ္ထ. အရဟာ ဒေါမနဿိန္ဒြိယဉ္စ ပဇဟိတ္ထ အညိန္ဒြိယဉ္စ ဘာဝိတ္ထ.
(ခ) ယော ဝါ ပန အညိန္ဒြိယံ ဘာဝိတ္ထ သော ဒေါမနဿိန္ဒြိယံ ပဇဟိတ္ထာတိ? အာမန္တာ.
(က) ယော ဒေါမနဿိန္ဒြိယံ ပဇဟိတ္ထ သော အညာတာဝိန္ဒြိယံ သစ္ဆိကရိတ္ထာတိ?
တယော ပုဂ္ဂလာ ဒေါမနဿိန္ဒြိယံ ပဇဟိတ္ထ၊ နော စ အညာတာဝိန္ဒြိယံ သစ္ဆိကရိတ္ထ. အရဟာ ဒေါမနဿိန္ဒြိယဉ္စ ပဇဟိတ္ထ အညာတာဝိန္ဒြိယဉ္စ သစ္ဆိကရိတ္ထ.
(ခ) ယော ဝါ ပန အညာတာဝိန္ဒြိယံ သစ္ဆိကရိတ္ထ သော ဒေါမနဿိန္ဒြိယံ ပဇဟိတ္ထာတိ? အာမန္တာ. (ဒေါမနဿိန္ဒြိယမူလကံ)
၄၄၅. (က) ယော အနညာတညဿာမီတိန္ဒြိယံ ဘာဝိတ္ထ သော အညိန္ဒြိယံ ဘာဝိတ္ထာတိ?
ဆ ပုဂ္ဂလာ အနညာတညဿာမီတိန္ဒြိယံ ဘာဝိတ္ထ၊ နော စ အညိန္ဒြိယံ ဘာဝိတ္ထ. အရဟာ အနညာတညဿာမီတိန္ဒြိယဉ္စ ဘာဝိတ္ထ အညိန္ဒြိယဉ္စ ဘာဝိတ္ထ.
(ခ) ယော ဝါ ပန အညိန္ဒြိယံ ဘာဝိတ္ထ သော အနညာတညဿာမီတိန္ဒြိယံ ဘာဝိတ္ထာတိ? အာမန္တာ.
(က) ယော အနညာတညဿာမီတိန္ဒြိယံ ဘာဝိတ္ထ သော အညာတာဝိန္ဒြိယံ သစ္ဆိကရိတ္ထာတိ?
သတ္တ ပုဂ္ဂလာ အနညာတညဿာမီတိန္ဒြိယံ ဘာဝိတ္ထ၊ နော စ အညာတာဝိန္ဒြိယံ သစ္ဆိကရိတ္ထ. အရဟာ အနညာတညဿာမီတိန္ဒြိယဉ္စ ဘာဝိတ္ထ အညာတာဝိန္ဒြိယဉ္စ သစ္ဆိကရိတ္ထ.
(ခ) ယော ဝါ ပန အညာတာဝိန္ဒြိယံ သစ္ဆိကရိတ္ထ သော အနညာတညဿာမီတိန္ဒြိယံ ဘာဝိတ္ထာတိ? အာမန္တာ. (အနညာတညဿာမီတိန္ဒြိယမူလကံ)
၄၄၆. (က) ယော အညိန္ဒြိယံ ဘာဝိတ္ထ သော အညာတာဝိန္ဒြိယံ သစ္ဆိကရိတ္ထာတိ?
ယော အဂ္ဂဖလံ သစ္ဆိကရောတိ သော အညိန္ဒြိယံ ဘာဝိတ္ထ၊ နော စ အညာတာဝိန္ဒြိယံ သစ္ဆိကရိတ္ထ. ယော အဂ္ဂဖလံ သစ္ဆာကာသိ သော အညိန္ဒြိယဉ္စ ဘာဝိတ္ထ အညာတာဝိန္ဒြိယဉ္စ သစ္ဆိကရိတ္ထ.
(ခ) ယော ဝါ ပန အညာတာဝိန္ဒြိယံ သစ္ဆိကရိတ္ထ သော အညိန္ဒြိယံ ဘာဝိတ္ထာတိ? အာမန္တာ. (အညိန္ဒြိယမူလကံ)
(ခ) ပစ္စနီကံ
၄၄၇. (က) ယော စက္ခုန္ဒြိယံ န ပရိဇာနိတ္ထ သော ဒေါမနဿိန္ဒြိယံ နပ္ပဇဟိတ္ထာတိ?
ဒွေ ပုဂ္ဂလာ စက္ခုန္ဒြိယံ န ပရိဇာနိတ္ထ၊ နော စ ဒေါမနဿိန္ဒြိယံ နပ္ပဇဟိတ္ထ. ဆ ပုဂ္ဂလာ စက္ခုန္ဒြိယဉ္စ န ပရိဇာနိတ္ထ ဒေါမနဿိန္ဒြိယဉ္စ နပ္ပဇဟိတ္ထ.
(ခ) ယော ဝါ ပန ဒေါမနဿိန္ဒြိယံ နပ္ပဇဟိတ္ထ သော စက္ခုန္ဒြိယံ န ပရိဇာနိတ္ထာတိ? အာမန္တာ.
(က) ယော စက္ခုန္ဒြိယံ န ပရိဇာနိတ္ထ သော အနညာတညဿာမီတိန္ဒြိယံ န ဘာဝိတ္ထာတိ?
ဆ ပုဂ္ဂလာ စက္ခုန္ဒြိယံ န ပရိဇာနိတ္ထ၊ နော စ အနညာတညဿာမီတိန္ဒြိယံ န ဘာဝိတ္ထ. ဒွေ ပုဂ္ဂလာ စက္ခုန္ဒြိယဉ္စ န ပရိဇာနိတ္ထ အနညာတညဿာမီတိန္ဒြိယဉ္စ န ဘာဝိတ္ထ.
(ခ) ယော ဝါ ပန အနညာတညဿာမီတိန္ဒြိယံ န ဘာဝိတ္ထ သော စက္ခုန္ဒြိယံ န ပရိဇာနိတ္ထာတိ? အာမန္တာ.
(က) ယော စက္ခုန္ဒြိယံ န ပရိဇာနိတ္ထ သော အညိန္ဒြိယံ န ဘာဝိတ္ထာတိ? အာမန္တာ.
(ခ) ယော ဝါ ပန အညိန္ဒြိယံ န ဘာဝိတ္ထ သော စက္ခုန္ဒြိယံ န ပရိဇာနိတ္ထာတိ? အာမန္တာ.
(က) ယော စက္ခုန္ဒြိယံ န ပရိဇာနိတ္ထ သော အညာတာဝိန္ဒြိယံ န သစ္ဆိကရိတ္ထာတိ? အာမန္တာ.
(ခ) ယော ဝါ ပန အညာတာဝိန္ဒြိယံ န သစ္ဆိကရိတ္ထ သော စက္ခုန္ဒြိယံ န ပရိဇာနိတ္ထာတိ?
ယော အဂ္ဂဖလံ သစ္ဆိကရောတိ သော အညာတာဝိန္ဒြိယံ န သစ္ဆိကရိတ္ထ၊ နော စ စက္ခုန္ဒြိယံ န ပရိဇာနိတ္ထ. အဋ္ဌ ပုဂ္ဂလာ အညာတာဝိန္ဒြိယဉ္စ န သစ္ဆိကရိတ္ထ စက္ခုန္ဒြိယဉ္စ န ပရိဇာနိတ္ထ. (စက္ခုန္ဒြိယမူလကံ)
၄၄၈. (က) ယော ဒေါမနဿိန္ဒြိယံ နပ္ပဇဟိတ္ထ သော အနညာတညဿာမီတိန္ဒြိယံ န ဘာဝိတ္ထာတိ?
စတ္တာရော ပုဂ္ဂလာ ဒေါမနဿိန္ဒြိယံ နပ္ပဇဟိတ္ထ၊ နော စ အနညာတညဿာမီတိန္ဒြိယံ န ဘာဝိတ္ထ. ဒွေ ပုဂ္ဂလာ ဒေါမနဿိန္ဒြိယဉ္စ နပ္ပဇဟိတ္ထ အနညာတညဿာမီတိန္ဒြိယဉ္စ န ဘာဝိတ္ထ.
(ခ) ယော ဝါ ပန အနညာတညဿာမီတိန္ဒြိယံ န ဘာဝိတ္ထ သော ဒေါမနဿိန္ဒြိယံ နပ္ပဇဟိတ္ထာတိ? အာမန္တာ.
(က) ယော ဒေါမနဿိန္ဒြိယံ နပ္ပဇဟိတ္ထ သော အညိန္ဒြိယံ န ဘာဝိတ္ထာတိ? အာမန္တာ.
(ခ) ယော ဝါ ပန အညိန္ဒြိယံ န ဘာဝိတ္ထ သော ဒေါမနဿိန္ဒြိယံ နပ္ပဇဟိတ္ထာတိ?
ဒွေ ပုဂ္ဂလာ အညိန္ဒြိယံ န ဘာဝိတ္ထ၊ နော စ ဒေါမနဿိန္ဒြိယံ နပ္ပဇဟိတ္ထ. ဆ ပုဂ္ဂလာ အညိန္ဒြိယဉ္စ န ဘာဝိတ္ထ ဒေါမနဿိန္ဒြိယဉ္စ နပ္ပဇဟိတ္ထ.
(က) ယော ဒေါမနဿိန္ဒြိယံ နပ္ပဇဟိတ္ထ သော အညာတာဝိန္ဒြိယံ န သစ္ဆိကရိတ္ထာတိ? အာမန္တာ.
(ခ) ယော ဝါ ပန အညာတာဝိန္ဒြိယံ န သစ္ဆိကရိတ္ထ သော ဒေါမနဿိန္ဒြိယံ နပ္ပဇဟိတ္ထာတိ?
တယော ပုဂ္ဂလာ အညာတာဝိန္ဒြိယံ န သစ္ဆိကရိတ္ထ၊ နော စ ဒေါမနဿိန္ဒြိယံ နပ္ပဇဟိတ္ထ. ဆ ပုဂ္ဂလာ အညာတာဝိန္ဒြိယဉ္စ န သစ္ဆိကရိတ္ထ ဒေါမနဿိန္ဒြိယဉ္စ နပ္ပဇဟိတ္ထ. (ဒေါမနဿိန္ဒြိယမူလကံ)
၄၄၉. (က) ယော အနညာတညဿာမီတိန္ဒြိယံ န ဘာဝိတ္ထ သော အညိန္ဒြိယံ န ဘာဝိတ္ထာတိ? အာမန္တာ.
(ခ) ယော ဝါ ပန အညိန္ဒြိယံ န ဘာဝိတ္ထ သော အနညာတညဿာမီတိန္ဒြိယံ န ဘာဝိတ္ထာတိ?
ဆ ပုဂ္ဂလာ အညိန္ဒြိယံ န ဘာဝိတ္ထ၊ နော စ အနညာတညဿာမီတိန္ဒြိယံ န ဘာဝိတ္ထ. ဒွေ ပုဂ္ဂလာ အညိန္ဒြိယဉ္စ န ဘာဝိတ္ထ အနညာတညဿာမီတိန္ဒြိယဉ္စ န ဘာဝိတ္ထ.
(က) ယော အနညာတညဿာမီတိန္ဒြိယံ န ဘာဝိတ္ထ သော အညာတာဝိန္ဒြိယံ န သစ္ဆိကရိတ္ထာတိ? အာမန္တာ.
(ခ) ယော ဝါ ပန အညာတာဝိန္ဒြိယံ န သစ္ဆိကရိတ္ထ သော အနညာတညဿာမီတိန္ဒြိယံ န ဘာဝိတ္ထာတိ?
သတ္တ ပုဂ္ဂလာ အညာတာဝိန္ဒြိယံ န သစ္ဆိကရိတ္ထ၊ နော စ အနညာတညဿာမီတိန္ဒြိယံ န ဘာဝိတ္ထ. ဒွေ ပုဂ္ဂလာ အညာတာဝိန္ဒြိယဉ္စ န သစ္ဆိကရိတ္ထ အနညာတညဿာမီတိန္ဒြိယဉ္စ န ဘာဝိတ္ထ. (အနညာတညဿာမီတိန္ဒြိယမူလကံ)
၄၅၀. (က) ယော အညိန္ဒြိယံ န ဘာဝိတ္ထ သော အညာတာဝိန္ဒြိယံ န သစ္ဆိကရိတ္ထာတိ? အာမန္တာ.
(ခ) ယော ဝါ ပန အညာတာဝိန္ဒြိယံ န သစ္ဆိကရိတ္ထ သော အညိန္ဒြိယံ န ဘာဝိတ္ထာတိ?
ယော အဂ္ဂဖလံ သစ္ဆိကရောတိ သော အညာတာဝိန္ဒြိယံ န သစ္ဆိကရိတ္ထ၊ နော စ အညိန္ဒြိယံ န ဘာဝိတ္ထ. အဋ္ဌ ပုဂ္ဂလာ အညာတာဝိန္ဒြိယဉ္စ န သစ္ဆိကရိတ္ထ အညိန္ဒြိယဉ္စ န ဘာဝိတ္ထ. (အညိန္ဒြိယမူလကံ)