၁. ပစ္စုပ္ပန္နဝါရော

(က) အနုလောမံ

၄၃၅. (က) ယော စက္ခုန္ဒြိယံ ပရိဇာနာတိ သော သောတိန္ဒြိယံ ပရိဇာနာတီတိ? အာမန္တာ.

(ခ) ယော ဝါ ပန သောတိန္ဒြိယံ ပရိဇာနာတိ သော စက္ခုန္ဒြိယံ ပရိဇာနာတီတိ? အာမန္တာ.

(က) ယော စက္ခုန္ဒြိယံ ပရိဇာနာတိ သော ဒေါမနဿိန္ဒြိယံ ပဇဟတီတိ? နော.

(ခ) ယော ဝါ ပန ဒေါမနဿိန္ဒြိယံ ပဇဟတိ သော စက္ခုန္ဒြိယံ ပရိဇာနာတီတိ? နော.

(က) ယော စက္ခုန္ဒြိယံ ပရိဇာနာတိ သော အနညာတညဿာမီတိန္ဒြိယံ ဘာဝေတီတိ? နော.

(ခ) ယော ဝါ ပန အနညာတညဿာမီတိန္ဒြိယံ ဘာဝေတိ သော စက္ခုန္ဒြိယံ ပရိဇာနာတီတိ? နော.

(က) ယော စက္ခုန္ဒြိယံ ပရိဇာနာတိ သော အညိန္ဒြိယံ ဘာဝေတီတိ? အာမန္တာ.

(ခ) ယော ဝါ ပန အညိန္ဒြိယံ ဘာဝေတိ သော စက္ခုန္ဒြိယံ ပရိဇာနာတီတိ?

ဒွေ ပုဂ္ဂလာ အညိန္ဒြိယံ ဘာဝေန္တိ၊ နော စ စက္ခုန္ဒြိယံ ပရိဇာနန္တိ. အဂ္ဂမဂ္ဂသမင်္ဂီ အညိန္ဒြိယဉ္စ ဘာဝေတိ စက္ခုန္ဒြိယဉ္စ ပရိဇာနာတိ.

(က) ယော စက္ခုန္ဒြိယံ ပရိဇာနာတိ သော အညာတာဝိန္ဒြိယံ သစ္ဆိကရောတီတိ? နော.

(ခ) ယော ဝါ ပန အညာတာဝိန္ဒြိယံ သစ္ဆိကရောတိ သော စက္ခုန္ဒြိယံ ပရိဇာနာတီတိ? နော. (စက္ခုန္ဒြိယမူလကံ)

၄၃၆. (က) ယော ဒေါမနဿိန္ဒြိယံ ပဇဟတိ သော အနညာတညဿာမီတိန္ဒြိယံ ဘာဝေတီတိ? နော.

(ခ) ယော ဝါ ပန အနညာတညဿာမီတိန္ဒြိယံ ဘာဝေတိ သော ဒေါမနဿိန္ဒြိယံ ပဇဟတီတိ? နော.

(က) ယော ဒေါမနဿိန္ဒြိယံ ပဇဟတိ သော အညိန္ဒြိယံ ဘာဝေတီတိ? အာမန္တာ.

(ခ) ယော ဝါ ပန အညိန္ဒြိယံ ဘာဝေတိ သော ဒေါမနဿိန္ဒြိယံ ပဇဟတီတိ?

ဒွေ ပုဂ္ဂလာ အညိန္ဒြိယံ ဘာဝေန္တိ၊ နော စ ဒေါမနဿိန္ဒြိယံ ပဇဟန္တိ. အနာဂါမိမဂ္ဂသမင်္ဂီ အညိန္ဒြိယဉ္စ ဘာဝေတိ ဒေါမနဿိန္ဒြိယဉ္စ ပဇဟတိ.

(က) ယော ဒေါမနဿိန္ဒြိယံ ပဇဟတိ သော အညာတာဝိန္ဒြိယံ သစ္ဆိကရောတီတိ? နော.

(ခ) ယော ဝါ ပန အညာတာဝိန္ဒြိယံ သစ္ဆိကရောတိ သော ဒေါမနဿိန္ဒြိယံ ပဇဟတီတိ? နော. (ဒေါမနဿိန္ဒြိယမူလကံ)

၄၃၇. (က) ယော အနညာတညဿာမီတိန္ဒြိယံ ဘာဝေတိ သော အညိန္ဒြိယံ ဘာဝေတီတိ? နော.

(ခ) ယော ဝါ ပန အညိန္ဒြိယံ ဘာဝေတိ သော အနညာတညဿာမီတိန္ဒြိယံ ဘာဝေတီတိ? နော.

(က) ယော အနညာတညဿာမီတိန္ဒြိယံ ဘာဝေတိ သော အညာတာဝိန္ဒြိယံ သစ္ဆိကရောတီတိ? နော.

(ခ) ယော ဝါ ပန အညာတာဝိန္ဒြိယံ သစ္ဆိကရောတိ သော အနညာတညဿာမီတိန္ဒြိယံ ဘာဝေတီတိ? နော. (အနညာတညဿာမီတိန္ဒြိယမူလကံ)

၄၃၈. (က) ယော အညိန္ဒြိယံ ဘာဝေတိ သော အညာတာဝိန္ဒြိယံ သစ္ဆိကရောတီတိ? နော.

(ခ) ယော ဝါ ပန အညာတာဝိန္ဒြိယံ သစ္ဆိကရောတိ သော အညိန္ဒြိယံ ဘာဝေတီတိ? နော. (အညိန္ဒြိယမူလကံ)

(ခ) ပစ္စနီကံ

၄၃၉. (က) ယော စက္ခုန္ဒြိယံ န ပရိဇာနာတိ သော ဒေါမနဿိန္ဒြိယံ နပ္ပဇဟတီတိ?

အနာဂါမိမဂ္ဂသမင်္ဂီ စက္ခုန္ဒြိယံ န ပရိဇာနာတိ၊ နော စ ဒေါမနဿိန္ဒြိယံ နပ္ပဇဟတိ. ဒွေ မဂ္ဂသမင်္ဂိနော ဌပေတွာ အဝသေသာ ပုဂ္ဂလာ စက္ခုန္ဒြိယဉ္စ န ပရိဇာနန္တိ ဒေါမနဿိန္ဒြိယဉ္စ နပ္ပဇဟန္တိ.

(ခ) ယော ဝါ ပန ဒေါမနဿိန္ဒြိယံ နပ္ပဇဟတိ သော စက္ခုန္ဒြိယံ န ပရိဇာနာတီတိ?

အဂ္ဂမဂ္ဂသမင်္ဂီ ဒေါမနဿိန္ဒြိယံ နပ္ပဇဟတိ၊ နော စ စက္ခုန္ဒြိယံ န ပရိဇာနာတိ. ဒွေ မဂ္ဂသမင်္ဂိနော ဌပေတွာ အဝသေသာ ပုဂ္ဂလာ ဒေါမနဿိန္ဒြိယဉ္စ နပ္ပဇဟန္တိ စက္ခုန္ဒြိယဉ္စ န ပရိဇာနန္တိ.

(က) ယော စက္ခုန္ဒြိယံ န ပရိဇာနာတိ သော အနညာတညဿာမီတိန္ဒြိယံ န ဘာဝေတီတိ?

အဋ္ဌမကော စက္ခုန္ဒြိယံ န ပရိဇာနာတိ၊ နော စ အနညာတညဿာမီတိန္ဒြိယံ န ဘာဝေတိ. ဒွေ မဂ္ဂသမင်္ဂိနော ဌပေတွာ အဝသေသာ ပုဂ္ဂလာ စက္ခုန္ဒြိယဉ္စ န ပရိဇာနန္တိ အနညာတညဿာမီတိန္ဒြိယဉ္စ န ဘာဝေန္တိ.

(ခ) ယော ဝါ ပန အနညာတညဿာမီတိန္ဒြိယံ န ဘာဝေတိ သော စက္ခုန္ဒြိယံ န ပရိဇာနာတီတိ?

အဂ္ဂမဂ္ဂသမင်္ဂီ အနညာတညဿာမီတိန္ဒြိယံ န ဘာဝေတိ၊ နော စ စက္ခုန္ဒြိယံ န ပရိဇာနာတိ. ဒွေ မဂ္ဂသမင်္ဂိနော ဌပေတွာ အဝသေသာ ပုဂ္ဂလာ အနညာတညဿာမီတိန္ဒြိယဉ္စ န ဘာဝေန္တိ စက္ခုန္ဒြိယဉ္စ န ပရိဇာနန္တိ.

(က) ယော စက္ခုန္ဒြိယံ န ပရိဇာနာတိ သော အညိန္ဒြိယံ န ဘာဝေတီတိ?

ဒွေ ပုဂ္ဂလာ စက္ခုန္ဒြိယံ န ပရိဇာနန္တိ၊ နော စ အညိန္ဒြိယံ န ဘာဝေန္တိ. တယော မဂ္ဂသမင်္ဂိနော ဌပေတွာ အဝသေသာ ပုဂ္ဂလာ စက္ခုန္ဒြိယဉ္စ န ပရိဇာနန္တိ အညိန္ဒြိယဉ္စ န ဘာဝေန္တိ.

(ခ) ယော ဝါ ပန အညိန္ဒြိယံ န ဘာဝေတိ သော စက္ခုန္ဒြိယံ န ပရိဇာနာတီတိ? အာမန္တာ.

(က) ယော စက္ခုန္ဒြိယံ န ပရိဇာနာတိ သော အညာတာဝိန္ဒြိယံ န သစ္ဆိကရောတီတိ?

ယော အဂ္ဂဖလံ သစ္ဆိကရောတိ သော စက္ခုန္ဒြိယံ န ပရိဇာနာတိ၊ နော စ အညာတာဝိန္ဒြိယံ န သစ္ဆိကရောတိ. အဂ္ဂမဂ္ဂသမင်္ဂိဉ္စ အရဟန္တဉ္စ ဌပေတွာ အဝသေသာ ပုဂ္ဂလာ စက္ခုန္ဒြိယဉ္စ န ပရိဇာနန္တိ အညာတာဝိန္ဒြိယဉ္စ န သစ္ဆိကရောန္တိ.

(ခ) ယော ဝါ ပန အညာတာဝိန္ဒြိယံ န သစ္ဆိကရောတိ သော စက္ခုန္ဒြိယံ န ပရိဇာနာတီတိ?

အဂ္ဂမဂ္ဂသမင်္ဂီ အညာတာဝိန္ဒြိယံ န သစ္ဆိကရောတိ၊ နော စ စက္ခုန္ဒြိယံ န ပရိဇာနာတိ. အဂ္ဂမဂ္ဂသမင်္ဂိဉ္စ အရဟန္တဉ္စ ဌပေတွာ အဝသေသာ ပုဂ္ဂလာ အညာတာဝိန္ဒြိယဉ္စ န သစ္ဆိကရောန္တိ စက္ခုန္ဒြိယဉ္စ န ပရိဇာနန္တိ. (စက္ခုန္ဒြိယမူလကံ)

၄၄၀. (က) ယော ဒေါမနဿိန္ဒြိယံ နပ္ပဇဟတိ သော အနညာတညဿာမီတိန္ဒြိယံ န ဘာဝေတီတိ?

အဋ္ဌမကော ဒေါမနဿိန္ဒြိယံ နပ္ပဇဟတိ၊ နော စ အနညာတညဿာမီတိန္ဒြိယံ န ဘာဝေတိ. ဒွေ မဂ္ဂသမင်္ဂိနော ဌပေတွာ အဝသေသာ ပုဂ္ဂလာ ဒေါမနဿိန္ဒြိယဉ္စ နပ္ပဇဟန္တိ အနညာတညဿာမီတိန္ဒြိယဉ္စ န ဘာဝေန္တိ.

(ခ) ယော ဝါ ပန အနညာတညဿာမီတိန္ဒြိယံ န ဘာဝေတိ သော ဒေါမနဿိန္ဒြိယံ နပ္ပဇဟတီတိ?

အနာဂါမိမဂ္ဂသမင်္ဂီ အနညာတညဿာမီတိန္ဒြိယံ န ဘာဝေတိ၊ နော စ ဒေါမနဿိန္ဒြိယံ နပ္ပဇဟတိ. ဒွေ မဂ္ဂသမင်္ဂိနော ဌပေတွာ အဝသေသာ ပုဂ္ဂလာ အနညာတညဿာမီတိန္ဒြိယဉ္စ န ဘာဝေန္တိ ဒေါမနဿိန္ဒြိယဉ္စ နပ္ပဇဟန္တိ.

(က) ယော ဒေါမနဿိန္ဒြိယံ နပ္ပဇဟတိ သော အညိန္ဒြိယံ န ဘာဝေတီတိ?

ဒွေ ပုဂ္ဂလာ ဒေါမနဿိန္ဒြိယံ နပ္ပဇဟန္တိ၊ နော စ အညိန္ဒြိယံ န ဘာဝေန္တိ. တယော မဂ္ဂသမင်္ဂိနော ဌပေတွာ အဝသေသာ ပုဂ္ဂလာ ဒေါမနဿိန္ဒြိယဉ္စ နပ္ပဇဟန္တိ အညိန္ဒြိယဉ္စ န ဘာဝေန္တိ.

(ခ) ယော ဝါ ပန အညိန္ဒြိယံ န ဘာဝေတိ သော ဒေါမနဿိန္ဒြိယံ နပ္ပဇဟတီတိ? အာမန္တာ.

(က) ယော ဒေါမနဿိန္ဒြိယံ နပ္ပဇဟတိ သော အညာတာဝိန္ဒြိယံ န သစ္ဆိကရောတီတိ?

ယော အဂ္ဂဖလံ သစ္ဆိကရောတိ သော ဒေါမနဿိန္ဒြိယံ နပ္ပဇဟတိ၊ နော စ အညာတာဝိန္ဒြိယံ န သစ္ဆိကရောတိ. အနာဂါမိမဂ္ဂသမင်္ဂိဉ္စ အရဟန္တဉ္စ ဌပေတွာ အဝသေသာ ပုဂ္ဂလာ ဒေါမနဿိန္ဒြိယဉ္စ နပ္ပဇဟန္တိ အညာတာဝိန္ဒြိယဉ္စ န သစ္ဆိကရောန္တိ.

(ခ) ယော ဝါ ပန အညာတာဝိန္ဒြိယံ န သစ္ဆိကရောတိ သော ဒေါမနဿိန္ဒြိယံ နပ္ပဇဟတီတိ?

အနာဂါမိမဂ္ဂသမင်္ဂီ အညာတာဝိန္ဒြိယံ န သစ္ဆိကရောတိ၊ နော စ ဒေါမနဿိန္ဒြိယံ နပ္ပဇဟတိ. အနာဂါမိမဂ္ဂသမင်္ဂိဉ္စ အရဟန္တဉ္စ ဌပေတွာ အဝသေသာ ပုဂ္ဂလာ အညာတာဝိန္ဒြိယဉ္စ န သစ္ဆိကရောန္တိ ဒေါမနဿိန္ဒြိယဉ္စ နပ္ပဇဟန္တိ. (ဒေါမနဿိန္ဒြိယမူလကံ)

၄၄၁. (က) ယော အနညာတညဿာမီတိန္ဒြိယံ န ဘာဝေတိ သော အညိန္ဒြိယံ န ဘာဝေတီတိ?

တယော မဂ္ဂသမင်္ဂိနော [တယော ပုဂ္ဂလာ (ပီ.)] အနညာတညဿာမီတိန္ဒြိယံ န ဘာဝေန္တိ၊ နော စ အညိန္ဒြိယံ န ဘာဝေန္တိ. စတ္တာရော မဂ္ဂသမင်္ဂိနော [အဋ္ဌမကဉ္စ တယော မဂ္ဂသမင်္ဂိနော စ (ပီ.)] ဌပေတွာ အဝသေသာ ပုဂ္ဂလာ အနညာတညဿာမီတိန္ဒြိယဉ္စ န ဘာဝေန္တိ အညိန္ဒြိယဉ္စ န ဘာဝေန္တိ.

(ခ) ယော ဝါ ပန အညိန္ဒြိယံ န ဘာဝေတိ သော အနညာတညဿာမီတိန္ဒြိယံ န ဘာဝေတီတိ?

အဋ္ဌမကော အညိန္ဒြိယံ န ဘာဝေတိ၊ နော စ အနညာတညဿာမီတိန္ဒြိယံ န ဘာဝေတိ. စတ္တာရော မဂ္ဂသမင်္ဂိနော ဌပေတွာ အဝသေသာ ပုဂ္ဂလာ အညိန္ဒြိယဉ္စ န ဘာဝေန္တိ အနညာတညဿာမီတိန္ဒြိယဉ္စ န ဘာဝေန္တိ.

(က) ယော အနညာတညဿာမီတိန္ဒြိယံ န ဘာဝေတိ သော အညာတာဝိန္ဒြိယံ န သစ္ဆိကရောတီတိ?

ယော အဂ္ဂဖလံ သစ္ဆိကရောတိ သော အနညာတညဿာမီတိန္ဒြိယံ န ဘာဝေတိ၊ နော စ အညာတာဝိန္ဒြိယံ န သစ္ဆိကရောတိ. အဋ္ဌမကဉ္စ အရဟန္တဉ္စ ဌပေတွာ အဝသေသာ ပုဂ္ဂလာ အနညာတညဿာမီတိန္ဒြိယဉ္စ န ဘာဝေန္တိ အညာတာဝိန္ဒြိယဉ္စ န သစ္ဆိကရောန္တိ.

(ခ) ယော ဝါ ပန အညာတာဝိန္ဒြိယံ န သစ္ဆိကရောတိ သော အနညာတညဿာမီတိန္ဒြိယံ န ဘာဝေတီတိ?

အဋ္ဌမကော အညာတာဝိန္ဒြိယံ န သစ္ဆိကရောတိ၊ နော စ အနညာတညဿာမီတိန္ဒြိယံ န ဘာဝေတိ. အဋ္ဌမကဉ္စ အရဟန္တဉ္စ ဌပေတွာ အဝသေသာ ပုဂ္ဂလာ အညာတာဝိန္ဒြိယဉ္စ န သစ္ဆိကရောန္တိ အနညာတညဿာမီတိန္ဒြိယဉ္စ န ဘာဝေန္တိ. (အနညာတညဿာမီတိန္ဒြိယမူလကံ)

၄၄၂. (က) ယော အညိန္ဒြိယံ န ဘာဝေတိ သော အညာတာဝိန္ဒြိယံ န သစ္ဆိကရောတီတိ?

ယော အဂ္ဂဖလံ သစ္ဆိကရောတိ သော အညိန္ဒြိယံ န ဘာဝေတိ၊ နော စ အညာတာဝိန္ဒြိယံ န သစ္ဆိကရောတိ. တယော မဂ္ဂသမင်္ဂိနော စ အရဟန္တဉ္စ ဌပေတွာ အဝသေသာ ပုဂ္ဂလာ အညိန္ဒြိယဉ္စ န ဘာဝေန္တိ အညာတာဝိန္ဒြိယဉ္စ န သစ္ဆိကရောန္တိ.

(ခ) ယော ဝါ ပန အညာတာဝိန္ဒြိယံ န သစ္ဆိကရောတိ သော အညိန္ဒြိယံ န ဘာဝေတီတိ?

တယော မဂ္ဂသမင်္ဂိနော အညာတာဝိန္ဒြိယံ န သစ္ဆိကရောန္တိ၊ နော စ အညိန္ဒြိယံ န ဘာဝေန္တိ. တယော မဂ္ဂသမင်္ဂိနော စ အရဟန္တဉ္စ ဌပေတွာ အဝသေသာ ပုဂ္ဂလာ အညာတာဝိန္ဒြိယဉ္စ န သစ္ဆိကရောန္တိ အညိန္ဒြိယဉ္စ န ဘာဝေန္တိ. (အညိန္ဒြိယမူလကံ)