(၇) ဥပ္ပဇ္ဇမာနနနိရောဓဝါရော

၇၅. (က) ယဿ စိတ္တံ ဥပ္ပဇ္ဇတိ တဿ စိတ္တံ န နိရုဇ္ဈတီတိ? အာမန္တာ.

(ခ) ယဿ ဝါ ပန စိတ္တံ န နိရုဇ္ဈတိ တဿ စိတ္တံ ဥပ္ပဇ္ဇတီတိ?

နိရောဓသမာပန္နာနံ အသညသတ္တာနံ တေသံ စိတ္တံ န နိရုဇ္ဈတိ၊ နော စ တေသံ စိတ္တံ ဥပ္ပဇ္ဇတိ. စိတ္တဿ ဥပ္ပါဒက္ခဏေ တေသံ စိတ္တံ န နိရုဇ္ဈတိ စေဝ ဥပ္ပဇ္ဇတိ စ.

(က) ယဿ စိတ္တံ န ဥပ္ပဇ္ဇတိ တဿ စိတ္တံ နိရုဇ္ဈတီတိ?

နိရောဓသမာပန္နာနံ အသညသတ္တာနံ တေသံ စိတ္တံ န ဥပ္ပဇ္ဇတိ၊ နော စ တေသံ စိတ္တံ နိရုဇ္ဈတိ. စိတ္တဿ ဘင်္ဂက္ခဏေ တေသံ စိတ္တံ န ဥပ္ပဇ္ဇတိ စေဝ နိရုဇ္ဈတိ စ.

(ခ) ယဿ ဝါ ပန စိတ္တံ နိရုဇ္ဈတိ တဿ စိတ္တံ န ဥပ္ပဇ္ဇတီတိ? အာမန္တာ.