၆. အတီတာနာဂတဝါရော

၁၇၀. (က) ယော ဒုက္ခသစ္စံ ပရိဇာနိတ္ထ သော သမုဒယသစ္စံ ပဇဟိဿတီတိ? နော.

(ခ) ယော ဝါ ပန သမုဒယသစ္စံ ပဇဟိဿတိ သော ဒုက္ခသစ္စံ ပရိဇာနိတ္ထာတိ? နော.

(က) ယော ဒုက္ခသစ္စံ န ပရိဇာနိတ္ထ သော သမုဒယသစ္စံ နပ္ပဇဟိဿတီတိ?

ယေ မဂ္ဂံ ပဋိလဘိဿန္တိ တေ ဒုက္ခသစ္စံ န ပရိဇာနိတ္ထ၊ နော စ တေ သမုဒယသစ္စံ နပ္ပဇဟိဿန္တိ. အဂ္ဂမဂ္ဂသမင်္ဂီ ယေ စ ပုထုဇ္ဇနာ မဂ္ဂံ န ပဋိလဘိဿန္တိ တေ ဒုက္ခသစ္စဉ္စ န ပရိဇာနိတ္ထ သမုဒယသစ္စဉ္စ နပ္ပဇဟိဿန္တိ.

(ခ) ယော ဝါ ပန သမုဒယသစ္စံ နပ္ပဇဟိဿတိ သော ဒုက္ခသစ္စံ န ပရိဇာနိတ္ထာတိ?

အရဟာ သမုဒယသစ္စံ နပ္ပဇဟိဿတိ၊ နော စ ဒုက္ခသစ္စံ န ပရိဇာနိတ္ထ. အဂ္ဂမဂ္ဂသမင်္ဂီ ယေ စ ပုထုဇ္ဇနာ မဂ္ဂံ န ပဋိလဘိဿန္တိ တေ သမုဒယသစ္စဉ္စ နပ္ပဇဟိဿန္တိ ဒုက္ခသစ္စဉ္စ န ပရိဇာနိတ္ထ.

ပရိညာဝါရော.

သစ္စယမကံ နိဋ္ဌိတံ.