(၄) ပစ္စုပ္ပန္နာတီတဝါရော

(က) အနုလောမပုဂ္ဂလော

၂၂၉. (က) ယဿ စက္ခာယတနံ ဥပ္ပဇ္ဇတိ တဿ သောတာယတနံ နိရုဇ္ဈိတ္ထာတိ? အာမန္တာ.

(ခ) ယဿ ဝါ ပန သောတာယတနံ နိရုဇ္ဈိတ္ထ တဿ စက္ခာယတနံ ဥပ္ပဇ္ဇတီတိ?

သဗ္ဗေသံ စဝန္တာနံ အစက္ခုကာနံ ဥပပဇ္ဇန္တာနံ တေသံ သောတာယတနံ နိရုဇ္ဈိတ္ထ၊ နော စ တေသံ စက္ခာယတနံ ဥပ္ပဇ္ဇတိ. သစက္ခုကာနံ ဥပပဇ္ဇန္တာနံ တေသံ သောတာယတနဉ္စ နိရုဇ္ဈိတ္ထ စက္ခာယတနဉ္စ ဥပ္ပဇ္ဇတိ.

(ယထာ ဥပ္ပါဒဝါရေ ပစ္စုပ္ပန္နာတီတာ ပုစ္ဆာ ဝိဘတ္တာ ဧဝံ ဥပ္ပါဒနိရောဓေပိ ပစ္စုပ္ပန္နာတီတာ ပုစ္ဆာ အနုလောမမ္ပိ ပစ္စနီကမ္ပိ ဝိဘဇိတဗ္ဗာ [ဝိဘဇိတဗ္ဗံ (သီ သျာ. က.)] ).