၁-၇. ပဋိစ္စဝါရာဒိ

၁၂. နဟေတုဉ္စေဝ နဟေတုဝိပ္ပယုတ္တဉ္စ ဓမ္မံ ပဋိစ္စ နဟေတု စေဝ နဟေတုဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ. နဟေတုဉ္စေဝ နဟေတုဝိပ္ပယုတ္တဉ္စ ဓမ္မံ ပဋိစ္စ နဟေတုဝိပ္ပယုတ္တော စေဝ န နဟေတု စ ဓမ္မော ဥပ္ပဇ္ဇတိ ဟေတုပစ္စယာ. နဟေတုဉ္စေဝ နဟေတုဝိပ္ပယုတ္တဉ္စ ဓမ္မံ ပဋိစ္စ နဟေတု စေဝ နဟေတုဝိပ္ပယုတ္တော စ နဟေတုဝိပ္ပယုတ္တော စေဝ န နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နဟေတုဝိပ္ပယုတ္တဉ္စေဝ န နဟေတုဉ္စ ဓမ္မံ ပဋိစ္စ နဟေတုဝိပ္ပယုတ္တော စေဝ န နဟေတု စ ဓမ္မော ဥပ္ပဇ္ဇတိ ဟေတုပစ္စယာ. နဟေတုဝိပ္ပယုတ္တဉ္စေဝ န နဟေတုဉ္စ ဓမ္မံ ပဋိစ္စ နဟေတု စေဝ နဟေတုဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ. နဟေတုဝိပ္ပယုတ္တဉ္စေဝ န နဟေတုဉ္စ ဓမ္မံ ပဋိစ္စ နဟေတု စေဝ နဟေတုဝိပ္ပယုတ္တော စ နဟေတုဝိပ္ပယုတ္တော စေဝ န နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နဟေတုဉ္စေဝ နဟေတုဝိပ္ပယုတ္တဉ္စ နဟေတုဝိပ္ပယုတ္တဉ္စေဝ န နဟေတုဉ္စ ဓမ္မံ ပဋိစ္စ နဟေတု စေဝ နဟေတုဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.)

ဟေတုယာ နဝ။ပေ။ အဝိဂတေ နဝ. (သဗ္ဗတ္ထ ဝိတ္ထာရော.)