၆. နဟေတုသဟေတုကဒုကံ

၁-၇. ပဋိစ္စဝါရာဒိ

၁၃. နဟေတုံ နသဟေတုကံ ဓမ္မံ ပဋိစ္စ နဟေတု နသဟေတုကော ဓမ္မော ဥပ္ပဇ္ဇတိ ဟေတုပစ္စယာ – ဧကံ မဟာဘူတံ ပဋိစ္စ တယော မဟာဘူတာ။ပေ။. နဟေတုံ နသဟေတုကံ ဓမ္မံ ပဋိစ္စ နဟေတု နအဟေတုကော ဓမ္မော ဥပ္ပဇ္ဇတိ ဟေတုပစ္စယာ – ပဋိသန္ဓိက္ခဏေ ဝတ္ထုံ ပဋိစ္စ နဟေတုသဟေတုကာ ခန္ဓာ. နဟေတုံ နသဟေတုကံ ဓမ္မံ ပဋိစ္စ နဟေတု နသဟေတုကော စ နဟေတု နအဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နဟေတုံ နအဟေတုကံ ဓမ္မံ ပဋိစ္စ နဟေတု နအဟေတုကော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နအဟေတုကံ ဓမ္မံ ပဋိစ္စ နဟေတု နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နအဟေတုကံ ဓမ္မံ ပဋိစ္စ နဟေတု နသဟေတုကော စ နဟေတု နအဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နဟေတုံ နသဟေတုကဉ္စ နဟေတုံ နအဟေတုကဉ္စ ဓမ္မံ ပဋိစ္စ နဟေတု နသဟေတုကော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နသဟေတုကဉ္စ နဟေတုံ နအဟေတုကဉ္စ ဓမ္မံ ပဋိစ္စ နဟေတု နအဟေတုကော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နသဟေတုကဉ္စ နဟေတုံ နအဟေတုကဉ္စ ဓမ္မံ ပဋိစ္စ နဟေတု နသဟေတုကော စ နဟေတု နအဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃) (သံခိတ္တံ.)

၁၄. ဟေတုယာ နဝ၊ အာရမ္မဏေ စတ္တာရိ။ပေ။ အဝိဂတေ နဝ.

(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ.)

အာရမ္မဏပစ္စယော

၁၅. နဟေတု နသဟေတုကော ဓမ္မော နဟေတုဿ နသဟေတုကဿ ဓမ္မဿ အာရမ္မဏပစ္စယေန ပစ္စယော. နဟေတု နသဟေတုကော ဓမ္မော နဟေတုဿ နအဟေတုကဿ ဓမ္မဿ အာရမ္မဏပစ္စယေန ပစ္စယော. (၂)

နဟေတု နအဟေတုကော ဓမ္မော နဟေတုဿ နအဟေတုကဿ ဓမ္မဿ အာရမ္မဏပစ္စယေန ပစ္စယော. နဟေတု နအဟေတုကော ဓမ္မော နဟေတုဿ နသဟေတုကဿ ဓမ္မဿ အာရမ္မဏပစ္စယေန ပစ္စယော. (၂) (သံခိတ္တံ.)

၁၆. အာရမ္မဏေ စတ္တာရိ။ပေ။ အဝိဂတေ သတ္တ.

ဟေတုဂေါစ္ဆကံ နိဋ္ဌိတံ.