၅၆. စိတ္တဒုကံ

၅၄. နစိတ္တံ ဓမ္မံ ပဋိစ္စ နစိတ္တော ဓမ္မော ဥပ္ပဇ္ဇတိ ဟေတုပစ္စယာ. နစိတ္တံ ဓမ္မံ ပဋိစ္စ နနောစိတ္တော ဓမ္မော ဥပ္ပဇ္ဇတိ ဟေတုပစ္စယာ. နစိတ္တံ ဓမ္မံ ပဋိစ္စ နစိတ္တော စ နနောစိတ္တော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နနောစိတ္တံ ဓမ္မံ ပဋိစ္စ နစိတ္တော ဓမ္မော ဥပ္ပဇ္ဇတိ ဟေတုပစ္စယာ. (၁)

နစိတ္တဉ္စ နနောစိတ္တဉ္စ ဓမ္မံ ပဋိစ္စ နစိတ္တော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

ဟေတုယာ ပဉ္စ။ပေ။ (သဗ္ဗတ္ထ ပဉ္စ).