၁-၂-၅. ဟေတုဒုက-ဟေတုသမ္ပယုတ္တာဒိဒုကာနိ

၄. နဟေတုံ နဟေတုသမ္ပယုတ္တံ ဓမ္မံ ပဋိစ္စ ဟေတု ဟေတုသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ စတ္တာရိ.

နဟေတုံ နဟေတုဝိပ္ပယုတ္တံ ဓမ္မံ ပဋိစ္စ နဟေတု ဟေတုဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၅. နဟေတုံ နဟေတုဉ္စေဝ နအဟေတုကဉ္စ ဓမ္မံ ပဋိစ္စ ဟေတု ဟေတု စေဝ သဟေတုကော စ ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

နနဟေတုံ နအဟေတုကဉ္စေဝ နနဟေတုဉ္စ ဓမ္မံ ပဋိစ္စ နဟေတု သဟေတုကော စေဝ န စ ဟေတု ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

၆. နဟေတုံ နဟေတုဉ္စေဝ နဟေတုဝိပ္ပယုတ္တဉ္စ ဓမ္မံ ပဋိစ္စ ဟေတု ဟေတု စေဝ ဟေတုသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

နနဟေတုံ နဟေတုဝိပ္ပယုတ္တဉ္စေဝ နနဟေတုဉ္စ ဓမ္မံ ပဋိစ္စ နဟေတု ဟေတုသမ္ပယုတ္တော စေဝ န စ ဟေတု ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

၇. နဟေတုံ နဟေတုံ နသဟေတုကံ ဓမ္မံ ပဋိစ္စ နဟေတု နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

နဟေတုံ နဟေတုံ နအဟေတုကံ ဓမ္မံ ပဋိစ္စ နဟေတု နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.