၁-၆-၁၂. ဟေတုဒုက-စူဠန္တရဒုကာနိ

၈. နဟေတု နသပ္ပစ္စယော ဓမ္မော ဟေတုဿ သပ္ပစ္စယဿ ဓမ္မဿ အာရမ္မဏပစ္စယေန ပစ္စယော။ အာရမ္မဏေ တီဏိ. (သင်္ခတံ သပ္ပစ္စယသဒိသံ.)

၉. နဟေတုံ နသနိဒဿနံ ဓမ္မံ ပဋိစ္စ နဟေတု သနိဒဿနော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

နဟေတု နအနိဒဿနော ဓမ္မော ဟေတုဿ အနိဒဿနဿ ဓမ္မဿ အာရမ္မဏပစ္စယေန ပစ္စယော။ အာရမ္မဏေ တီဏိ.

၁၀. နဟေတုံ နသပ္ပဋိဃံ ဓမ္မံ ပဋိစ္စ နဟေတု သပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

နဟေတုံ နအပ္ပဋိဃံ ဓမ္မံ ပဋိစ္စ နဟေတု အပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

၁၁. နဟေတုံ နရူပိံ ဓမ္မံ ပဋိစ္စ ဟေတု ရူပီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

နဟေတုံ နအရူပိံ ဓမ္မံ ပဋိစ္စ ဟေတု အရူပီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၂. နဟေတုံ နလောကိယံ ဓမ္မံ ပဋိစ္စ နဟေတု လောကိယော ဓမ္မော ဥပ္ပဇ္ဇတိ ဟေတုပစ္စယာ. နနဟေတုံ နလောကိယံ ဓမ္မံ ပဋိစ္စ နဟေတု လောကိယော ဓမ္မော ဥပ္ပဇ္ဇတိ ဟေတုပစ္စယာ (ဂဏိတကေန တီဏိ.)

နဟေတုံ နလောကုတ္တရံ ဓမ္မံ ပစ္စယာ ဟေတု လောကုတ္တရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၃. နဟေတုံ နကေနစိ ဝိညေယျံ ဓမ္မံ ပဋိစ္စ ဟေတု ကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ.

နဟေတုံ နကေနစိ နဝိညေယျံ ဓမ္မံ ပဋိစ္စ ဟေတု ကေနစိ နဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ.