၂-၁. သဟေတုကာဒိဒုကာနိ-ဟေတုဒုကံ

၄၈. နသဟေတုကံ နဟေတုံ ဓမ္မံ ပဋိစ္စ သဟေတုကော ဟေတု ဓမ္မော ဥပ္ပဇ္ဇတိ ဟေတုပစ္စယာ. နအဟေတုကံ နဟေတုံ ဓမ္မံ ပဋိစ္စ သဟေတုကော ဟေတု ဓမ္မော ဥပ္ပဇ္ဇတိ ဟေတုပစ္စယာ. နသဟေတုကံ နဟေတုဉ္စ နအဟေတုကံ နဟေတုဉ္စ ဓမ္မံ ပဋိစ္စ သဟေတုကော ဟေတု ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ တီဏိ.

နသဟေတုကံ နနဟေတုံ ဓမ္မံ ပဋိစ္စ သဟေတုကော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နအဟေတုကံ နနဟေတုံ ဓမ္မံ ပဋိစ္စ အဟေတုကော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ. ဟေတုယာ ဆ.

၄၉. နဟေတုသမ္ပယုတ္တံ နဟေတုံ ဓမ္မံ ပဋိစ္စ ဟေတုသမ္ပယုတ္တော ဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သဟေတုကဒုကသဒိသံ.)

၅၀. နဟေတုဉ္စေဝ နအဟေတုကံ နဟေတုံ ဓမ္မံ ပဋိစ္စ ဟေတု စေဝ သဟေတုကော စ ဟေတု ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

နအဟေတုကဉ္စေဝ နန စ ဟေတုံ နနဟေတုံ ဓမ္မံ ပဋိစ္စ သဟေတုကော စေဝ န စ ဟေတု နဟေတု ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

၅၁. နဟေတုဉ္စေဝ နဟေတုဝိပ္ပယုတ္တဉ္စ နဟေတုံ ဓမ္မံ ပဋိစ္စ ဟေတု စေဝ ဟေတုသမ္ပယုတ္တော စ ဟေတု ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

နဟေတုဝိပ္ပယုတ္တဉ္စေဝ နနဟေတုဉ္စ နနဟေတုံ ဓမ္မံ ပဋိစ္စ ဟေတုသမ္ပယုတ္တော စေဝ န စ ဟေတု နဟေတု ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ. (အန္တိမဒုကံ န လဗ္ဘတိ.)