၇-၁၃-၁. စူဠန္တရဒုကာနိ-ဟေတုဒုကံ

၅၂. နအပ္ပစ္စယံ နဟေတုံ ဓမ္မံ ပဋိစ္စ သပ္ပစ္စယော ဟေတု ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

နအပ္ပစ္စယံ နနဟေတုံ ဓမ္မံ ပဋိစ္စ သပ္ပစ္စယော နဟေတု ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ. (သင်္ခတံ သပ္ပစ္စယသဒိသံ.)

၅၃. နသနိဒဿနံ နဟေတုံ ဓမ္မံ ပဋိစ္စ အနိဒဿနော ဟေတု ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

နသနိဒဿနံ နနဟေတုံ ဓမ္မံ ပဋိစ္စ သနိဒဿနော နဟေတု ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ တီဏိ.

၅၄. နသပ္ပဋိဃံ နဟေတုံ ဓမ္မံ ပဋိစ္စ အပ္ပဋိဃော ဟေတု ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.

နသပ္ပဋိဃံ နနဟေတုံ ဓမ္မံ ပဋိစ္စ သပ္ပဋိဃော နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၅၅. နရူပိံ နဟေတုံ ဓမ္မံ ပဋိစ္စ အရူပီ ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

နရူပိံ နနဟေတုံ ဓမ္မံ ပဋိစ္စ အရူပီ နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဂဏိတကေန တီဏိ.

၅၆. နလောကိယံ နဟေတုံ ဓမ္မံ ပဋိစ္စ လောကုတ္တရော ဟေတု ဓမ္မော ဥပ္ပဇ္ဇတိ ဟေတုပစ္စယာ. ဧကံ.

နလောကုတ္တရံ နဟေတုံ ဓမ္မံ ပဋိစ္စ လောကိယော ဟေတု ဓမ္မော ဥပ္ပဇ္ဇတိ ဟေတုပစ္စယာ. ဧကံ. ဟေတုယာ ဒွေ.

နလောကိယံ နနဟေတုံ ဓမ္မံ ပဋိစ္စ လောကိယော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နလောကုတ္တရံ နနဟေတုံ ဓမ္မံ ပဋိစ္စ လောကိယော နဟေတု ဓမ္မော ဥပ္ပဇ္ဇတိ ဟေတုပစ္စယာ. ဧကံ. ဟေတုယာ စတ္တာရိ.

၅၇. နကေနစိ ဝိညေယျံ နဟေတုံ ဓမ္မံ ပဋိစ္စ ကေနစိ ဝိညေယျော ဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ.

နကေနစိ နဝိညေယျံ နနဟေတုံ ဓမ္မံ ပဋိစ္စ ကေနစိ နဝိညေယျော နဟေတု ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ.