၁-၁. ဟေတုဒုက-သဟေတုကဒုကံ
၁. နဟေတုံ နသဟေတုကံ ဓမ္မံ ပဋိစ္စ ဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နသဟေတုကံ ဓမ္မံ ပဋိစ္စ နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ နသဟေတုကံ ဓမ္မံ ပဋိစ္စ ဟေတု သဟေတုကော စ နဟေတု သဟေတုကော စ ဓမ္မာ ဥပ္ပဇ္ဇန္တိ ဟေတုပစ္စယာ. တီဏိ.
နနဟေတုံ နသဟေတုကံ ဓမ္မံ ပဋိစ္စ နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ. ဧကံ.
ဟေတုယာ စတ္တာရိ၊ အာရမ္မဏေ စတ္တာရိ။ပေ။ အဝိဂတေ စတ္တာရိ.
၂. နနဟေတု နအဟေတုကော ဓမ္မော နဟေတုဿ အဟေတုကဿ ဓမ္မဿ ဟေတုပစ္စယေန ပစ္စယော.
ဟေတုယာ ဧကံ၊ အာရမ္မဏေ ဆ။ပေ။ အဝိဂတေ ပဉ္စ. (ပဉှာဝါရံ ဝိတ္ထာရေတဗ္ဗံ.)
၃. နဟေတုံ နအဟေတုကံ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ. ဧကံ.
နနဟေတုံ နအဟေတုကံ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ. ဧကံ.
နဟေတုံ နအဟေတုကဉ္စ နနဟေတုံ နအဟေတုကဉ္စ ဓမ္မံ ပဋိစ္စ နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ. ဧကံ. ဟေတုယာ တီဏိ.