၁-၈၂. ဟေတုဒုက-ပိဋ္ဌိဒုကံ

၆၀. ဟေတုံ ဒဿနေန ပဟာတဗ္ဗံ ဓမ္မံ ပဋိစ္စ ဟေတု ဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ နဝ၊ ဝိပါကံ နတ္ထိ.)

ဟေတုံ နဒဿနေန ပဟာတဗ္ဗံ ဓမ္မံ ပဋိစ္စ ဟေတု နဒဿနေန ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ နဝ၊ ဝိပါကံ နတ္ထိ.)

၆၁. ဟေတုံ ဘာဝနာယ ပဟာတဗ္ဗံ ဓမ္မံ ပဋိစ္စ ဟေတု ဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ နဝ၊ ဝိပါကံ နတ္ထိ.)

ဟေတုံ နဘာဝနာယ ပဟာတဗ္ဗံ ဓမ္မံ ပဋိစ္စ ဟေတု နဘာဝနာယ ပဟာတဗ္ဗော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ နဝ၊ ဝိပါကံ နတ္ထိ.)

၆၂. ဟေတုံ ဒဿနေန ပဟာတဗ္ဗဟေတုကံ ဓမ္မံ ပဋိစ္စ ဟေတု ဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ နဝ.)

ဟေတုံ နဒဿနေန ပဟာတဗ္ဗဟေတုကံ ဓမ္မံ ပဋိစ္စ ဟေတု နဒဿနေန ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ နဝ.)

၆၃. ဟေတုံ ဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဟေတု ဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ နဝ.)

ဟေတုံ နဘာဝနာယ ပဟာတဗ္ဗဟေတုကံ ဓမ္မံ ပဋိစ္စ ဟေတု နဘာဝနာယ ပဟာတဗ္ဗဟေတုကော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ နဝ.)

၆၄. ဟေတုံ သဝိတက္ကံ ဓမ္မံ ပဋိစ္စ ဟေတု သဝိတက္ကော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ နဝ.)

ဟေတုံ အဝိတက္ကံ ဓမ္မံ ပဋိစ္စ ဟေတု အဝိတက္ကော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ နဝ.)

၆၅. ဟေတုံ သဝိစာရံ ဓမ္မံ ပဋိစ္စ ဟေတု သဝိစာရော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ နဝ.)

ဟေတုံ အဝိစာရံ ဓမ္မံ ပဋိစ္စ ဟေတု အဝိစာရော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ နဝ.)

၆၆. ဟေတုံ သပ္ပီတိကံ ဓမ္မံ ပဋိစ္စ။ပေ။ ဟေတုံ အပ္ပီတိကံ ဓမ္မံ ပဋိစ္စ။ပေ။.

ဟေတုံ ပီတိသဟဂတံ ဓမ္မံ ပဋိစ္စ။ပေ။ ဟေတုံ နပီတိသဟဂတံ ဓမ္မံ ပဋိစ္စ။ပေ။.

ဟေတုံ သုခသဟဂတံ ဓမ္မံ ပဋိစ္စ။ပေ။ ဟေတုံ နသုခသဟဂတံ ဓမ္မံ ပဋိစ္စ။ပေ။.

ဟေတုံ ဥပေက္ခာသဟဂတံ ဓမ္မံ ပဋိစ္စ။ပေ။ ဟေတုံ နဥပေက္ခာသဟဂတံ ဓမ္မံ ပဋိစ္စ။ပေ။.

ဟေတုံ ကာမာဝစရံ ဓမ္မံ ပဋိစ္စ။ပေ။ ဟေတုံ နကာမာဝစရံ ဓမ္မံ ပဋိစ္စ။ပေ။.

ဟေတုံ ရူပါဝစရံ ဓမ္မံ ပဋိစ္စ။ပေ။ ဟေတုံ နရူပါဝစရံ ဓမ္မံ ပဋိစ္စ။ပေ။.

ဟေတုံ အရူပါဝစရံ ဓမ္မံ ပဋိစ္စ။ပေ။ ဟေတုံ နအရူပါဝစရံ ဓမ္မံ ပဋိစ္စ။ပေ။.

ဟေတုံ ပရိယာပန္နံ ဓမ္မံ ပဋိစ္စ။ပေ။ ဟေတုံ အပရိယာပန္နံ ဓမ္မံ ပဋိစ္စ။ပေ။.

ဟေတုံ နိယျာနိကံ ဓမ္မံ ပဋိစ္စ။ပေ။ ဟေတုံ အနိယျာနိကံ ဓမ္မံ ပဋိစ္စ။ပေ။.

ဟေတုံ နိယတံ ဓမ္မံ ပဋိစ္စ။ပေ။ ဟေတုံ အနိယတံ ဓမ္မံ ပဋိစ္စ။ပေ။.

ဟေတုံ သဥတ္တရံ ဓမ္မံ ပဋိစ္စ။ပေ။ ဟေတုံ အနုတ္တရံ ဓမ္မံ ပဋိစ္စ။ပေ။.

ဟေတုံ သရဏံ ဓမ္မံ ပဋိစ္စ။ပေ။ ဟေတုံ အရဏံ ဓမ္မံ ပဋိစ္စ ဟေတု အရဏော ဓမ္မော ဥပ္ပဇ္ဇတိ ဟေတုပစ္စယာ. (သံခိတ္တံ.)

ဟေတုယာ နဝ။ပေ။ အဝိဂတေ နဝ. (သံခိတ္တံ. သဗ္ဗတ္ထ ဝိတ္ထာရော.)

ဟေတုဒုကပိဋ္ဌိဒုကံ နိဋ္ဌိတံ.