၁-၅၄. ဟေတုဒုက-သာရမ္မဏဒုကံ

၄၄. ဟေတုံ သာရမ္မဏံ ဓမ္မံ ပဋိစ္စ ဟေတု သာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နဟေတုံ သာရမ္မဏံ ဓမ္မံ ပဋိစ္စ နဟေတု သာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဟေတုံ သာရမ္မဏဉ္စ နဟေတုံ သာရမ္မဏဉ္စ ဓမ္မံ ပဋိစ္စ ဟေတု သာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ. (သံခိတ္တံ.)

ဟေတုယာ နဝ။ပေ။ အဝိဂတေ နဝ. (သဗ္ဗတ္ထ ဝိတ္ထာရော.)

နဟေတုံ အနာရမ္မဏံ ဓမ္မံ ပဋိစ္စ နဟေတု အနာရမ္မဏော ဓမ္မော ဥပ္ပဇ္ဇတိ ဟေတုပစ္စယာ. (သဗ္ဗတ္ထ ဧကံ.)