၁၂-၂၂. လောကိယဒုက-သနိဒဿနတ္တိကံ

၉၂. နလောကိယံ နသနိဒဿနသပ္ပဋိဃံ ဓမ္မံ ပဋိစ္စ လောကိယော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. ဧကံ.

နလောကုတ္တရံ နသနိဒဿနသပ္ပဋိဃံ ဓမ္မံ ပဋိစ္စ လောကိယော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. ဧကံ.

(ဂဏိတကေန ဂဏေတဗ္ဗာ တီဏိ ပဉှာ.)

နလောကိယံ နအနိဒဿနသပ္ပဋိဃံ ဓမ္မံ ပဋိစ္စ လောကိယော အနိဒဿနသပ္ပဋိဃော။ (တီဏိယေဝ ပဉှာ ကာတဗ္ဗာ).

နလောကုတ္တရံ နအနိဒဿနအပ္ပဋိဃံ ဓမ္မံ ပဋိစ္စ လောကိယော အနိဒဿနအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ ဧကံ.