၁၃-၂၂. ကေနစိဝိညေယျဒုက-သနိဒဿနတ္တိကံ

၉၃. နကေနစိ ဝိညေယျံ နသနိဒဿနသပ္ပဋိဃံ ဓမ္မံ ပဋိစ္စ ကေနစိ ဝိညေယျော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. နကေနစိ ဝိညေယျံ နသနိဒဿနသပ္ပဋိဃံ ဓမ္မံ ပဋိစ္စ ကေနစိ နဝိညေယျော သနိဒဿနသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ. နကေနစိ ဝိညေယျံ နသနိဒဿနသပ္ပဋိဃံ ဓမ္မံ ပဋိစ္စ ကေနစိ ဝိညေယျော သနိဒဿနသပ္ပဋိဃော စ ကေနစိ နဝိညေယျော သနိဒဿနသပ္ပဋိဃော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

နကေနစိ နဝိညေယျံ နသနိဒဿနသပ္ပဋိဃံ ဓမ္မံ ပဋိစ္စ။ တီဏိယေဝ.

နကေနစိ ဝိညေယျံ နသနိဒဿနသပ္ပဋိဃဉ္စ နကေနစိ နဝိညေယျံ နသနိဒဿနသပ္ပဋိဃဉ္စ ဓမ္မံ ပဋိစ္စ။ တီဏိယေဝ. (သဗ္ဗတ္ထ နဝ.)

နကေနစိ ဝိညေယျံ နအနိဒဿနသပ္ပဋိဃဿ ပုရိမသဒိသံ နဝပဉှံ ကာတဗ္ဗံ. နကေနစိ ဝိညေယျံ နအနိဒဿနအပ္ပဋိဃမူလဿ နဝပဉှမေဝ. ဟေတုယာ နဝ၊ အဓိပတိယာ နဝ။ပေ။ အဝိဂတေ နဝ.