၁-၆-၁၂. ဟေတုဒုက-စူဠန္တရဒုကာဒိ

၉. နဟေတု အပ္ပစ္စယော ဓမ္မော နနဟေတုဿ နအပ္ပစ္စယဿ ဓမ္မဿ အာရမ္မဏပစ္စယေန ပစ္စယော။ပေ။ နဟေတု အပ္ပစ္စယော ဓမ္မော နဟေတုဿ နအပ္ပစ္စယဿ ဓမ္မဿ အာရမ္မဏပစ္စယေန ပစ္စယော. နဟေတု အပ္ပစ္စယော ဓမ္မော နဟေတုဿ နအပ္ပစ္စယဿ စ နနဟေတုဿ နအပ္ပစ္စယဿ စ ဓမ္မဿ အာရမ္မဏပစ္စယေန ပစ္စယော။ပေ။. (အသင်္ခတံ အပ္ပစ္စယသဒိသံ.)

၁၀. နဟေတု သနိဒဿနော ဓမ္မော နနဟေတုဿ နသနိဒဿနဿ ဓမ္မဿ အာရမ္မဏပစ္စယေန ပစ္စယော. နဟေတု သနိဒဿနော ဓမ္မော နဟေတုဿ နသနိဒဿနဿ ဓမ္မဿ အာရမ္မဏပစ္စယေန ပစ္စယော. နဟေတု သနိဒဿနော ဓမ္မော နဟေတုဿ နသနိဒဿနဿ စ နနဟေတုဿ နသနိဒဿနဿ စ ဓမ္မဿ အာရမ္မဏပစ္စယေန ပစ္စယော. အာရမ္မဏေ တီဏိ.

ဟေတုံ အနိဒဿနံ ဓမ္မံ ပဋိစ္စ နဟေတု နအနိဒဿနော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၁. နဟေတုံ သပ္ပဋိဃံ ဓမ္မံ ပဋိစ္စ နဟေတု နသပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ဧကံ.

ဟေတုံ အပ္ပဋိဃံ ဓမ္မံ ပဋိစ္စ နဟေတု နအပ္ပဋိဃော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၂. နဟေတုံ ရူပိံ ဓမ္မံ ပဋိစ္စ နနဟေတု နရူပီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

ဟေတုံ အရူပိံ ဓမ္မံ ပဋိစ္စ နဟေတု နအရူပီ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၃. နဟေတုံ လောကိယံ ဓမ္မံ ပစ္စယာ နနဟေတု နလောကိယော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

ဟေတုံ လောကုတ္တရံ ဓမ္မံ ပဋိစ္စ နဟေတု နလောကုတ္တရော ဓမ္မော ဥပ္ပဇ္ဇတိ ဟေတုပစ္စယာ. နဟေတုံ လောကုတ္တရံ ဓမ္မံ ပဋိစ္စ နဟေတု နလောကုတ္တရော ဓမ္မော ဥပ္ပဇ္ဇတိ ဟေတုပစ္စယာ. ဟေတုံ လောကုတ္တရဉ္စ နဟေတုံ လောကုတ္တရဉ္စ ဓမ္မံ ပဋိစ္စ နဟေတု နလောကုတ္တရော ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ တီဏိ.

၁၄. ဟေတုံ ကေနစိ ဝိညေယျံ ဓမ္မံ ပဋိစ္စ နဟေတု နကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ.

ဟေတုံ နကေနစိ ဝိညေယျံ ဓမ္မံ ပဋိစ္စ နဟေတု နနကေနစိ ဝိညေယျော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ.