၁-၁၃-၁၈. ဟေတုဒုက-အာသဝဂေါစ္ဆကံ

၁၅. ဟေတုံ အာသဝံ ဓမ္မံ ပဋိစ္စ နဟေတု နအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ.

ဟေတုံ နောအာသဝံ ဓမ္မံ ပဋိစ္စ နနဟေတု နနောအာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ.

၁၆. နဟေတုံ သာသဝံ ဓမ္မံ ပစ္စယာ နနဟေတု နသာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

ဟေတုံ အနာသဝံ ဓမ္မံ ပဋိစ္စ နဟေတု နအနာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၇. ဟေတုံ အာသဝသမ္ပယုတ္တံ ဓမ္မံ ပဋိစ္စ နဟေတု နအာသဝသမ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ နဝ.

ဟေတုံ အာသဝဝိပ္ပယုတ္တံ ဓမ္မံ ပဋိစ္စ နဟေတု နအာသဝဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၁၈. ဟေတုံ အာသဝဉ္စေဝ သာသဝဉ္စ ဓမ္မံ ပဋိစ္စ နဟေတု နအာသဝေါ စေဝ နအနာသဝေါ စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ.

ဟေတုံ သာသဝဉ္စေဝ နော စ အာသဝံ ဓမ္မံ ပဋိစ္စ နနဟေတု နအနာသဝေါ စေဝ နနော စ အာသဝေါ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ ပဉ္စ.

၁၉. ဟေတုံ အာသဝဉ္စေဝ အာသဝသမ္ပယုတ္တဉ္စ ဓမ္မံ ပဋိစ္စ နဟေတု နအာသဝေါ စေဝ နအာသဝဝိပ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

နဟေတုံ အာသဝသမ္ပယုတ္တဉ္စေဝ နော စ အာသဝံ ဓမ္မံ ပဋိစ္စ နနဟေတု နအာသဝဝိပ္ပယုတ္တော စေဝ နနောအာသဝေါ စ ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

၂၀. နဟေတုံ အာသဝဝိပ္ပယုတ္တံ သာသဝံ ဓမ္မံ ပစ္စယာ နနဟေတု အာသဝဝိပ္ပယုတ္တော နသာသဝေါ ဓမ္မော ဥပ္ပဇ္ဇတိ ဟေတုပစ္စယာ. (လောကိယသဒိသံ.)

ဟေတုံ အာသဝဝိပ္ပယုတ္တံ အနာသဝံ ဓမ္မံ ပဋိစ္စ နဟေတု အာသဝဝိပ္ပယုတ္တော နအနာသဝေါ ဓမ္မော ဥပ္ပဇ္ဇတိ ဟေတုပစ္စယာ. နဟေတုံ အာသဝဝိပ္ပယုတ္တံ အနာသဝံ ဓမ္မံ ပဋိစ္စ နဟေတု အာသဝဝိပ္ပယုတ္တော နအနာသဝေါ ဓမ္မော ဥပ္ပဇ္ဇတိ ဟေတုပစ္စယာ. ဟေတုံ အာသဝဝိပ္ပယုတ္တံ အနာသဝဉ္စ နဟေတုံ အာသဝဝိပ္ပယုတ္တံ အနာသဝဉ္စ ဓမ္မံ ပဋိစ္စ နဟေတု အာသဝဝိပ္ပယုတ္တော နအနာသဝေါ ဓမ္မော ဥပ္ပဇ္ဇတိ ဟေတုပစ္စယာ. ဟေတုယာ တီဏိ.