၁-၄. ကုသလတ္တိက-သံကိလိဋ္ဌတ္တိကံ

၁၅. အကုသလံ သံကိလိဋ္ဌသံကိလေသိကံ ဓမ္မံ ပဋိစ္စ နအကုသလော နသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တီဏိ.

အဗျာကတံ အသံကိလိဋ္ဌသံကိလေသိကံ ဓမ္မံ ပစ္စယာ နအဗျာကတော နအသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ အသံကိလိဋ္ဌသံကိလေသိကံ ဓမ္မံ ပစ္စယာ နကုသလော နအသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ အသံကိလိဋ္ဌသံကိလေသိကံ ဓမ္မံ ပစ္စယာ နအကုသလော နအသံကိလိဋ္ဌသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ. အဗျာကတံ အသံကိလိဋ္ဌသံကိလေသိကံ ဓမ္မံ ပစ္စယာ နကုသလော နအသံကိလိဋ္ဌသံကိလေသိကော စ နအဗျာကတော နအသံကိလိဋ္ဌသံကိလေသိကော စ ဓမ္မာ ဥပ္ပဇ္ဇန္တိ ဟေတုပစ္စယာ. အဗျာကတံ အသံကိလိဋ္ဌသံကိလေသိကံ ဓမ္မံ ပစ္စယာ နအကုသလော နအသံကိလိဋ္ဌသံကိလေသိကော စ နအဗျာကတော နအသံကိလိဋ္ဌသံကိလေသိကော စ ဓမ္မာ ဥပ္ပဇ္ဇန္တိ ဟေတုပစ္စယာ. အဗျာကတံ အသံကိလိဋ္ဌသံကိလေသိကံ ဓမ္မံ ပစ္စယာ နကုသလော နအသံကိလိဋ္ဌသံကိလေသိကော စ နအကုသလော နအသံကိလိဋ္ဌသံကိလေသိကော စ ဓမ္မာ ဥပ္ပဇ္ဇန္တိ ဟေတုပစ္စယာ. ဟေတုယာ ဆ.

၁၆. ကုသလံ အသံကိလိဋ္ဌအသံကိလေသိကံ ဓမ္မံ ပဋိစ္စ နကုသလော နအသံကိလိဋ္ဌအသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အဗျာကတံ အသံကိလိဋ္ဌအသံကိလေသိကံ ဓမ္မံ ပဋိစ္စ နကုသလော နအသံကိလိဋ္ဌအသံကိလေသိကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ ဟေတုယာ ဆ.