၁-၅. ကုသလတ္တိက-ဝိတက္ကတ္တိကံ

၁၇. ကုသလံ သဝိတက္ကသဝိစာရံ ဓမ္မံ ပဋိစ္စ နကုသလော နသဝိတက္ကသဝိစာရော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တေရသ. (ကုသလေ ပဉ္စ၊ အကုသလေ ပဉ္စ၊ အဗျာကတေ တီဏိ.)

ကုသလံ အဝိတက္ကဝိစာရမတ္တံ ဓမ္မံ ပဋိစ္စ နကုသလော နအဝိတက္ကဝိစာရမတ္တော ဓမ္မော ဥပ္ပဇ္ဇတိ ဟေတုပစ္စယာ။ ဟေတုယာ တေရသ.

ကုသလံ အဝိတက္ကအဝိစာရံ ဓမ္မံ ပဋိစ္စ နကုသလော နအဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အဗျာကတံ အဝိတက္ကအဝိစာရံ ဓမ္မံ ပဋိစ္စ နကုသလော နအဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ။ တီဏိ။ ဟေတုယာ ဆ.